ამის შემდეგ ნებისმიერი დაავადებების დროს ხშირად ვიყენებ ხალხური მედიცინის რეცეპტებს.
უტყუარი რეცეპტები:
- ჩვეულებრივი სელიჭას ნაყენი: 1 ს/კ სელიჭას დაქუცმაცებულ ბალახს დავასხათ 1 ჭ მდუღარე წყალი, დავაყენოთ 10 წთ, გავწუროთ დოლბანდში. მივიღოთ 1 ს/კ დღეში 3-4-ჯერ 30 წთ-ით ადრე ჭამამდე. ამავე ნაყენით გამოვირეცხოთ თვალები და გავიკეთოთ კომპრესი.
- კამის ნახარშის საფენები: 1 ს/კ კამას დავასხათ 1 ჭ წყალი, ვადუღოთ წყლის აბაზანაზე 1-2 წთ, დავაყენოთ 5 წთ და გავიკეთოთ თბილი საფენები. ნახარში კარგია აგრეთვე ქუთუთოების შეშუპებისას.
- შოთხვის ნაყოფის ნაყენი: 1 ს/კ შოთხვის ნაყოფს დავასხათ 200 მლ მდუღარე წყალი, დავაყენოთ 1 სთ, შემდეგ გავწუროთ. გამოვიყენოთ თვალების გამოსარეცხად კონიუნქტივიტის დროს - 2-3-ჯერ დღეში.
- ტუხტის ძირების ნაყენი: 3 ს/კ ძირები გავრეცხოთ, გავაშროთ, დავაქუცმაცოთ და დავასხათ ანადუღარი წყალი, დავაყენოთ თვალების გამოსარეცხად და კომპრესისთვის.
- თვალების გამორეცხვა მწვანე ჩაით:შეიძლება გამოვიყენოთ როგორც ახალი დაყენებული ჩაი, ისე პაკეტის.
სპეციალისტის კომენტარი:
სააფთიაქო გვირილა შეიცავს ნიკოტინის, სალიცილის, ასკორბინის მჟავას, ფიტოსტერინს, ქოლინს, ეთერზეთებს, მთრიმლავ ნივთიერებებს. აქედან გამომდინარე, გვირილას აქვს ანთების საწინააღმდეგო, შემახორცებელი და ქსოვილების რეგენერაციის ეფექტი. გვირილა-ბაქტერიული კონიუნქტივის დროს დაჩირქების საწინააღმდეგო ერთ-ერთი საუკეთესო საშუალებაა.
