ამ მარტივ გამწმენდში ზეთი და წყალზე დაფუძნებული კომპონენტები მუშაობს: კანს ცხიმის, ჭუჭყისა და მაკიაჟისგან წმენდს და აცოცხლებს მას. ილანგ ილანგი და ვარდის ეთერზეთი "ოტტო" ეგზოტიკურ სურნელს ქმნიან, რომელსაც დამაბალანსებელი და ორგანიზმის წყლით შევსების ეფექტი აქვს. ვარდის წყალი ამშვიდებს, სუსტი შემკვრელია და შველის გამსკდარ კაპილარებსა და შეწითლებულ კანს.

100 მლ-ის დასამზადებლად საჭიროა

ინგრედიენტები:

• 75 მლ ვარდის წყალი
  
• 2 ჩ/კ გლიცერინი
  
• 2 ჩ/კ ნუშის ზეთი
  
• 2 წვეთი ილანგ ილანგის ეთერზეთი
  
• 4 წვეთი ვარდის ეთერზეთი "ოტტო"
  

მომზადების წესი:
ვარდის წყალი და გლიცერინი ჩაასხით თასში.
ჩაუმატეთ ზეთი, ეთერზეთები და კარგად აურიეთ.
გადაიტანეთ მიღებული მასა სტერილურ ბოთლებში და დაახურეთ თავზე. გამოყენების წინ შეანჯღრიეთ. შეინახეთ გრილსა და ბნელ ადგილას. შენახვის ვადა 6 კვირა.

გამოყენების წესი:
ბამბის ტამპონი დაასველეთ გამწმენდში და მსუბუქად გადაიტარეთ წარბებზე;
ჩამოყევით ცხვირს და გადაატარეთ ნიკაპზე. ამის შემდეგ გაიწმინდეთ ლოყები.
მოარიდეთ ნაზ ადგილებს თვალის გარშემო.