კუნთოვანი ტონუსის დარღვევა - კეფის ძვლის დისფუნქციისა და მისი მოძრაობის უნარის შეზღუდვის მთავარი მიზეზია. კეფის კუნთები და კისრის ზედა მალები, კეფის ძვალი და ტვინის მყარი გარსი - ეს ფუნქციურად ერთი მთლიანი სხეულია. ერთ-ერთი ელემენტის დარღვევა გამოიწვევს მთელი ამ მონაკვეთის დარღვევებს. ამის შედეგად ჩნდება კუნთოვანი და თავის ტკივილები, ტკივილი და დისფუნქცია პირის ღრუს ფსკერსა და საყლაპავზე.

კისრისა და მხრების კუნთები
კისრის მალების ოდნავი შერევაც კი მნიშვნელოვნად არღვევს კისრისა და თავის ქალას ბიომექანიკას, რაც, შესაძლოა, უამრავი დაავადების მიზეზად იქცეს. მალების არევა ხდება დაბადების დროული ტრავმების, სპორტული ტრავმების, დიდი ფიზიკური დატვირთვის, მჯდომარე სამუშაოს, არასწორი სხეულის პოზის, ინტენსიური დალაგებისა და მიწასთან მუშაობის შედეგად.

პრობლემასთან გამკლავებაში დაგეხმარებათ მარტივი სავარჯიშოები კისრისა და მხრებისათვის. ისინი ხსნის დაძაბულობას და ააქტიურებს კუნთების სისხლით მომარაგებას. ამ მეთოდიკის მთავარი მიზანია კისრის კუნთების ძალისა და ამტანობის გაზრდა. სავარჯიშოების რეგულარული შესრულება ხელს შეუშლის კისრის მალების არევას, ნერვების გაკავებას, მოხსნის ტკივილებს და აღადგენს მოძრაობის უნარს.

როგორ გავააქტიუროთ ხერხემლის კისრის მონაკვეთი

1. დაჯექით ან დადექით სწორი ზურგით, ხელები დაიდეთ მხრებზე და ნელა აბრუნეთ ჯერ უკან, შემდეგ წინ რიგ-რიგობით. ეცადეთ, ბეჭები ერთმანეთთან მიიტანოთ.
   
   
   
2. ნელა გადაწიეთ თავი ბოლომდე ჯერ მარჯვნივ, შემდეგ - მარცხნივ. დაიხარეთ წინ-უკან. გაიმეორეთ 10 დახრა და 10 შებრუნება, გაჩერდით თითოეულ მდგომარეობაში 3 წამით.
   
   
   
   
   
3. გეჭიროთ მხრები და თავი სწორად, მარჯვენა ხელის გული დაიდეთ თავზე ყურს ზემოთ, საფეთქელთან. ეცადეთ, თავი მარჯვნივ გადახაროთ და ხელით შეეწინააღმდეგეთ. მაქსიმალურ წერტილში გაჩერდით 5 წამით, გაიმეორეთ სამჯერ, ანალოგიურად მარცხენა მხარესაც.
   
   
   
4. ხელი მიიბჯინეთ შუბლზე, ეცადეთ, თავი წინ გადახაროთ. ხელით გაუწიეთ წინააღმდეგობა, მაქსიმალურ წერტილში გაჩერდით 5 წამით, დაისვენეთ 2 წამით და გაიმეორეთ კიდევ ორჯერ.
   
   
   
5. ხელები შეაერთეთ და ჩაეჭიდეთ კეფას. თავის უკან დახრისას ხელებით გაუწიეთ წინააღმდეგობა. გაჩერდით 5 წამით, გაიმეორეთ სამჯერ.
   
   

პერიოდული თავის ტკივილები სერიოზული პრობლემაა. ვისაც იგი საკუთარ თავზე გამოუცდია, კარგად იცის, როგორი დისკომფორტია. სავარჯიშოების ეს მინი-კომპლექსი რეკომენდებულია კისრის ოსტეოქონდროზისა და არასტაბილურობის დროს, რომლებიც შაკიკისა და თავბრუსხვევის ხშირი მიზეზია.