როგორ უნდა მოვიქცეთ ამ პრობლემის დროს? ალექსანდრე დროჟენიკოვი მალების ადგილზე დაბრუნებას გვირჩევს და გვასწავლის კიდევაც, როგორ უნდა გავაკეთოთ ეს დამოუკიდებლად. რჩევების რედაქცია ამ მეთოდს თქვენ გაგიზიარებთ.
როგორ გავასწოროთ მალები
რატომ ირევა მალები? ერთგვაროვანი პასუხი არ არსებობს, რადგან ამის მიზეზიც უამრავია. ხანდახან, საკმარისია არასწორად გაზმორება, რომ მალა ამოიგდოთ მწყობრიდან. ხშირად, ეს რთული ფიზიკური დატვირთვების, სიმძიმეების წამოწევისა და მყისიერი მოძრაობების შედეგად ხდება. სიტუაცია უარესდება, თუ არსებობდა ხერხემლის ტრავმები, ასევე, თუ ადამიანს სუსტი კუნთოვანი კორსეტი აქვს.
მალების არევა, ხშირად, წელის მონაკვეთში ხდება. ეს გამოწვეულია დიდი დატვირთვით, განსაკუთრებით, მჯდომარე მუშაობის დროს. მალების არევის პირველი ნიშანი წელის ტკივილია. უმჯობესია, ეს პრობლემა მანამ მოაგვაროთ, სანამ სიტუაცია გამწვავდება. მალების არევა წელის არეში ხომ იწვევს საჯდომის ნერვის გაღიზიანებას, ფეხების ტკივილს, მოძრაობის გართულებასა და მუდმივ ტკივილებს.
მაშ ასე, გავერკვეთ, როგორ უნდა მოვიქცეთ, თუ წელის არეში ტკივილს გრძნობთ. ალექსანდრე დროჟენიკოვი გთავაზობთ ერთ სასწაულებრივ სავარჯიშოს, რომლის წყალობითაც გათავისუფლდებით ტკივილებისგან და მალებს თავიანთ ადგილებზე დააბრუნებთ. ქვემოთ დართულია ვიდეო, რომელშიც ექიმი ასრულებს ამ სავარჯიშოს დემონსტრაციისთვის. მანამდე კი გავერკვეთ მის ტექნიკაში.
სავარჯიშოს შესასრულებლად დაგჭირდებათ ოთხი მცირე ზომის მყარი ბალიში. თუ ბალიშები არ გაქვთ, გამოგადგებათ წიგნების წყობა ან სხვა ნებისმიერი ვარიანტი. მთავარია, რომ ორი 30 სმ სიმაღლის სვეტი გქონდეთ. განვიხილოთ ყველაფერი ბალიშის მაგალითზე. მოათავსეთ ისინი 50 სმ-ის დაშორებით ერთმანეთისგან.
ახლა უნდა დაწვეთ ბალიშებზე ისე, რომ წელი შუაში აღმოჩნდეს, ანუ ჰაერში ეკიდოს. მიიღეთ კომფორტული მდგომარეობა, მოდუნდით და ისუნთქეთ ღრმად. ეცადეთ, მოადუნოთ ყველა კუნთი. ახლა შეასრულეთ სუნთქვის 10 ღრმა ციკლი, მთლიანად შეავსეთ ფილტვები ჰაერით და წამოწიეთ მთელი ხერხემალი. ეს იმისათვის, რომ მალების არევისას შეძლოთ დაჭიმულობის მოხსნა.
ახლა წამოწიეთ ერთი ფეხი ზემოთ, გაშალეთ მუხლი და გაჭიმეთ ცერი. წამოწიეთ იმდენად მაღლა, რამდენადაც შეგიძლიათ. ნუ დააძალებთ თავს, ეცადეთ, თავი კომფორტულად იგრძნოთ. გააკეთეთ ასე რამდენჯერმე, შემდეგ ყველაფერი გაიმეორეთ: 10 სუნთქვითი ციკლი და მეორე ფეხის წამოწევა.
ეს სავარჯიშო 30 წუთის მანძილზე უნდა აკეთოთ. მაშინ კუნთები სრულად მოდუნდება, მალები კი თავიანთ ადგილს დაუბრუნდება. თქვენ იგრძნობთ, როგორ ქრება ტკივილი და დაჭიმულობა. თუ არ გამოგდით მალების დამოუკიდებლად დაბრუნება, აუცილებლად მიმართეთ სპეციალისტს და არც გადადოთ პრობლემის მოგვარება.
კისრის მალების არევა
ადამიანებს, რომლებიც ხშირად მუშაობენ კომპიუტერთან, უჩნდებათ კისტის მალების არევა. ეს იწვევს მოძრაობის გართულებას, ხშირ თავის ტკივილებს, მხედველობის გაუარესებასა და თავბრუსხვევას. ეს სიტუაცია არ უნდა მიუშვათ ნებაზე, რადგან საქმე იქამდე შეიძლება მივიდეს, რომ თავის მიმობრუნებას ვეღარ შეძლებთ.
კისრის მალების ჩასმა ისევ ამ ბალიშების გამოყენებით შეგიძლიათ. დაალაგეთ ბალიშები ერთმანეთთან ახლოს, მოსახერხებელ მანძილზე. დაწექით ბალიშზე მკერდით, შუბლის ქვემოთ კი მეორე ბალიში დაიდეთ.
მიიღეთ კომფორტული მდგომარეობა და შეასრულეთ 10 სუნთქვითი ციკლი. კუნთები მოადუნეთ, შემდეგ გაწელეთ კისერი წინ, იყურეთ ზემოთ. თავი გაზიდეთ წინ, მხრები - უკან. ასე მალები ადგილზე დაბრუნდება.
ეს სავარჯიშოები უნდა შეასრულოთ მაშინ, როცა ტკივილსა და დაჭიმულობას იგრძნობთ მალებში. გამოსცადეთ საკუთარ თავზე და გაგვიზიარეთ შედეგი.
ეს არის ვიდეო, რომელზეც ზემოთ ვსაუბრობდით. კარგად დააკვირდით ალექსანდრეს მოძრაობებს და გაიმეორეთ ზედმიწევნით:
