ვაშლის ღვეზელი კრემით
ინგრედიენტები
- 1 კგ ვაშლი
- 2 ჭიქა ფქვილი
- 150 გ კარაქი
- 0.5 ჭიქა არაჟანი
- 0.5 ჩ.კ. სოდა
- 1 კვერცხი
- 1 ჭიქა შაქარი
- 1 ჩ.კ. ძმარი
- 2 ს.კ. ფქვილი დაიტოვეთ კრემისთვის, დანარჩენი კი შეურიეთ დარბილებულ კარაქს, დაასხით ნახევარი ჭიქა წყალი და კარგად მოურიეთ.
- ცომს დაუმატეთ ძმარში გახსნილი სოდა. მოამზადეთ რბილი ცომი, რომელიც ხელებს არ მიეწებება.
- გათალეთ ვაშლი, მოაშორეთ გული და დაჭერით თხელ ნაჭრებად. ეცადეთ, აიღოთ სხვადასხვა სახეობის ვაშლები. ასე უფრო გემრიელი იქნება, თუ ტკბილ და მჟავე სახეობას შეურევთ.
- გააბრტყელეთ ცომი, მოათავსეთ ზეთწასმულ ფორმაში და მოალაგეთ ვაშლები სასურველი სახით. შეგიძლიათ, ვაშლებს ზემოდან დარიჩინი და შაქარი მოაყაროთ.
- კრემისთვის: ათქვიფეთ მიქსერით შაქარი, არაჟანი, კვერცხი და 2 ს.კ. ფქვილი. კრემი თხევადი უნდა გამოვიდეს.
- დაასხით კრემი ვაშლიან ცომს. შედგით ღუმელში 40-50 წუთით 200 გრადუსზე. ღვეზელის მზაობა შეამოწმეთ ჩხირით.
- გააჩერეთ ღვეზელი ფორმაში და მხოლოდ გაგრილების შემდეგ ამოიღეთ. მოაყარეთ შაქრის პუდრი.
