ხერხემლის კისრის მონაკვეთი საყრდენ-მამოძრავებელი სისტემის ერთ-ერთი ყველაზე მოძრავი და დაუცველი მონაკვეთია, რომელიც, ასაკთან ერთად, სხვადასხვა დეგენერაციულ ცვლილებებს ექვემდებარება. აქედან მოდის მოძრაობის დაქვეითება და ტკივილის სინდრომის გაჩენაც. ექიმი ბუბნოვსკის მიერ შემუშავებული სავარჯიშოების კომპლექსი ნამდვილი ხსნაა მილიონობით ადამიანისთვის, რადგან მას არ სჭირდება დიდი დრო, ეფექტურობა კი პრაქტიკითაა დამტკიცებული.



რჩევების რედაქცია მოგიყვებათ, როგორ მოვიშოროთ კისრის ტკივილი და გავაძლიეროთ კუნთები მარტივი მეთოდიკის გამოყენებით. 7 მარტივი სავარჯიშო შეუძლებელს შეძლებს.

სავარჯიშოები კისრისთვის
ეს მარტივი და ეფექტური სავარჯიშოები 1-2 ცდის შემდეგ სრულყოფილად გამოგივათ ნებისმიერ ასაკში, მათი ჩართვა შეიძლება დილის სავარჯიშოების კომპლექსშიც. დაწყებამდე გააკეთეთ მსუბუქი მოთელვა ან კისრის გამახურებელი თვითმასაჟი. ასეთი ხრიკი დაგეხმარებათ სისხლის მიმოქცევისა და ლიმფის ნაკადის დაჩქარებაში, გააქრობს კუნთოვან სპაზმს.

თუ დგომისას თავბრუ გეხვევათ და თავს არაკომფორტულად გრძნობთ, სავარჯიშო შეასრულეთ ჯდომით. თუ ძლიერდება ტკივილი ან დისკომფორტი, შეწყვიტეთ ვარჯიში და გაიარეთ კონსულტაცია ინსტრუქტორთან ან ექიმთან. დიდი მნიშვნელობა აქვს სუნთქვით რიტმსაც: სავარჯიშო სრულდება ჩასუნთქვისას, ამოსუნთქვისას კი ბრუნდებით საწყის მდგომარეობაში.

1. მეტრონომი
   პირველი სავარჯიშო - თავის ნელი გადახრები მხრებისკენ. გაასწორეთ ზურგი და ნელა დახარეთ თავი მარჯვენა მხრისკენ. ამ მდგომარეობაში გაჩერდით 30 წამით, შემდეგ გაიმეორეთ მარცხენა მხარესაც. შეასრულეთ ხუთჯერ.
   
   
   
2. ზამბარა
   დახარეთ თავი მაქსიმალურად წინ, ნიკაპი წაიღეთ მკერდისკენ. შემდეგ ტალღოვნად გაწელეთ კისერი წინ და ზემოთ, გაიმეორეთ ხუთჯერ.
   
   
   
3. ყანჩა
   ამ სავარჯიშოს დროს მუშავდება ხერხემლის მკერდისა და კისრის მონაკვეთების კუნთები. დაჯექით, გაასწორეთ ზურგი, ხელები დაიდეთ მუხლებზე. ნელ-ნელა გადაიტანეთ ხელები ზურგს უკან, ამავდროულად აწიეთ ნიკაპი ზემოთ. ფრთხილად დაჭიმეთ კუნთები და გაჩერდით 30 წამით. გაიმეორეთ ხუთჯერ.
   
   
   
4. მზერა ცისკენ
   გადააგდეთ თავი ზემოთ, შემდეგ კი ნელ-ნელა დაიწყეთ მობრუნება ერთი მხრიდან მეორისკენ. გაიმეორეთ ექვსჯერ.
   
   
   
5. ფაკირი
   ეს სავარჯიშო, ნაწილობრივ, იმეორებს წინას. წამოწიეთ იდაყვში მოხრილი ხელები და შეაერთეთ თავს ზემოთ. ნელა მოაბრუნეთ თავი მარჯვნივ და მარცხნივ, გაჩერდით ამ მდგომარეობაში 15-30 წამით. გაიმეორეთ ექვსჯერ.
   
   
   
6. ჩარჩო
   ეს სავარჯიშო ეფექტურია ხერხემლის კისრისა და მკერდის მონაკვეთების ოსტეოქონდროზის დროს. დაიდეთ მარცხენა ხელი მარჯვენა მხარზე, ნელა მოაბრუნეთ თავი მარცხნივ. გაჩერდით ამ მდგომარეობაში 30 წამით. გაიმეორეთ საწინააღმდეგო მხარესაც. შეასრულეთ სავარჯიშო ხუთჯერ.
   
   
   
7. ბატი
   ბოლო სავარჯიშო სრულდება დგომისას. იგი ადუნებს და წელავს კუნთებს, რითაც თავისუფლებისა და რელაქსაციის შეგრძნებას განიჭებთ. დადექით სწორად, ხელები გაწელეთ, კისერი სწორად უნდა იყოს, ნიკაპო და მხრები - იატაკის პარალელურად.
   თავი გაწიეთ წინ, მოაბრუნეთ ერთ მხარეს და ნიკაპით მისწვდით მხარს. გაიმეორეთ მეორე მხარესაც და შეასრულეთ ხუთჯერ თითო მხარზე.
   
   

ექიმი ბუბნოვსკის თქმით, ტკივილისგან გათავისუფლება საკმაოდ მარტივია, ოღონდ ამ სავარჯიშოების რეგულარულად და სწორად შესრულების შემთხვევაში. ამასთან, არ დაგავიწყდეთ სწორი კვება და მავნე ჩვევებზე უარის თქმა.