ვინ თქვა, რომ ქლიავით მხოლოდ მურაბებისა და არომატულ ღვეზელების მომზადებაა შესაძლებელი? ჩვენ გადავწყვიტეთ ქლიავით ექსპერიმენტის ჩატარება და მოვამზადეთ სოუსი, გასაოცრად გემრიელი და უჩვეულოდ არომატული - ქართული ცხარე აჯიკა მჟავე ქლიავთან ერთად. მზადდება სწრაფად, ინახება დიდხანს, მიირთმევენ აღტაცებით! სხვას რაღას ითხოვთ მისგან?



ასეთი აჯიკა გამოდის გამაცხელებელი და არომატული, თავისებური სიმჟავით. ამბობენ, რომ შინ მომზადებული აჯიკა ქლიავით აუმჯობესებს მადას, საჭმლის მონელებას და აძლიერებს იმუნიტეტს.

აჯიკა ქლიავით
ინგრედიენტები

• 1 კგ ქლიავი
  
• 1 კგ ბულგარული წიწაკა
  
• 10-14 კბილი ნიორი
  
• 3 წითელი ცხარე წიწაკა
  
• 1 ჭიქა შაქარი
  
• 2 ს.კ. მარილი
  
• 500 მლ ტომატ-პასტა
  
• 1 ჩ.კ. ძმარი
  

მომზადება

1. გაწმინდეთ წიწაკა თესლებისგან, დაჭერით კუბიკებად და გაატარეთ ხორცსაკეპში. შეგიძლიათ, წიწაკა ბლენდერში დააფქვიოთ.
   
   
   
2. გააცალეთ ქლიავს კურკები და ისიც გაატარეთ.
   
   
   
3. ნიორი და ცხარე წიწაკა გაწმინდეთ, დაჭერით და გაატარეთ ხორცსაკეპში.
   
   
   
4. მოათავსეთ გატარებული ინგრედიენტები ღრმა ქვაბში, დაუმატეთ ტომატ-პასტა, შაქარი და მარილი. ხარშეთ სოუსი 30 წუთით, საშუალო ცეცხლზე, პერიოდულად მოურიეთ. თუ სოუზს ზამთრისთვის ამზადებთ, ხარშვის ბოლოსკენ დაუმატეთ 1 ჩ.კ. ძმარი.
   
   
   
5. ცხელი მზა აჯიკა ჩაასხით სტერილიზებულ ქილებში და დაახურეთ ახალი თავსახურები. გადააბრუნეთ ქილები, შეახვიეთ საბანში და გააჩერეთ გაგრილებამდე.
   
   
   
6. მოცემული რაოდენობის ინგრედიენტებისგან გამოდის 4-5 ნახევარლიტრიანი ქილა აჯიკა, რომელსაც ერთ დაჯდომაზე ვერ შეჭამთ. მიირთვით იგი კარტოფილთან, ხორცთან, ახალგამომცხვარ პურთან ერთად.
   
   

ქართული ცხარე სოუსი ნამდვილად მოთხოვნადი პროდუქტია ოჯახში, ამიტომ აუცილებლად შეინახეთ ეს რეცეპტი და გაუზიარეთ მეგობრებს :)