ალუბლის სეზონი დამთავრდა და ჩვენს მაგიდებზე გაჩნდა ვარენიკები ყურძნით. ამ გემრიელობას სრულიად შემთხვევით გადავაწყდი: კერძის მომზადებისას გამითავდა შიგთავსი, მაგრამ ცომს ხომ არ გადავაგდებდი. თვალში მომხვდა ყურძნის მტევანი, რომელიც დედაჩემმა აგარაკიდან მომიტანა. კენკრა მცირე ზომის და ტკბილი იყო, რატომაც არა? ვცადე და შედეგით მართლაც გავოცდი. ექსპერიმენტმა 100%-ით გაამართლა.



როგორ მოვამზადოთ ვარენიკები
რჩევების რედაქციაში უკვე ყველამ იცის, როგორ მზადდება ყურძნის ვარენიკები. გამოდის ალუბლის მსგავსად, ოღონდ უფრო გემრიელი.
კერძს მოუხდება მხოლოდ ტკბილი კენკრა. კურკების არსებობა მნიშვნელობას არ წარმოადგენს, პირიქით, ისინი ძალიან სასარგებლოა საჭმლის მონელებისთვის. ყველაზე გემრიელია ვარენიკები იზაბელას(ღვინის) ყურძნისგან. ასეთი ყურძნის ნაყოფი საშუალო ზომის, მუქი-ლურჯი, თითქმის შავია. რბილობი კანისგან გამოიყოფა.



რეცეპტში გამოიყენება საზომი ჭიქა 225 მლ-ის მოცულობით. ფქვილის ზუსტ წონას ვერ გავიგებთ, რადგან ეს დამოკიდებულია ფქვილის სახეობასა და ტენზე. ორიენტაცია უნდა მოახდინოთ ცომის მიხედვით. მზა სახით იგი არ უნდა ეკრობოდეს ხელებს, უნდა იყოს რბილი და მკვრივი. გაჭრისას უნდა წარმოიქმნას ბუშტუკები. ყურძნის რაოდენობა დამოკიდებულია კენკრის ზომაზე. საშუალოდ, დაგჭირდებათ 1 კგ.

ინგრედიენტები ცომისთვის

• 2-3 ჭიქა ფქვილი
  
• 1/2 ჭიქა რძე
  
• 1/3 ჭიქა წყალი
  
• 1 კვერცხი
  
• 1 ჩ.კ. მცენარეული ზეთი
  
• მწიკვი მარილი
  
• ყურძნის ნაყოფი
  
• 1/2 ჭიქა შაქარი
  

მომზადება

1. მშრალ ზედაპირზე ან დიდ თასში ჩაყარეთ ფქვილი. გააკეთეთ ამოღრმავება და ჩაატეხეთ კვერცხი.
   
   
   
2. ცალკე ჭურჭელში შეურიეთ რძე, წყალი და მარილი.
   
3. კარგად მოზილეთ ცომი, დაუმატეთ ფქვილი, საჭიროების შემთხვევაში. ბოლოს დაუმატეთ ზეთი და კიდევ ერთხელ მოზილეთ.
   
4. მზა ცომს დაახურეთ პირსახოცი, გააჩერეთ 40 წუთით.
   
   
   
5. სანამ ცომი ფერმენტირდება, მოამზადეთ ყურძენი. გარეცხეთ კენკრა გამდინარე წყალში და დაალაგეთ პირსახოცზე, რათა მოაშოროთ ჭარბი სითხე.
   
6. გააკეთეთ ვარენიკები ნებისმიერი მოსახერხებელი მეთოდით. გააბრტყელეთ ცომი და ჭიქით გამოჭერით მრგვალი ნაჭრები.
   
   
   
7. ყოველი ნაჭრის ცენტრში მოათავსეთ ყურძენი და მცირეოდენი შაქარი. თუ კენკრა ზომიერად ტკბილია, საკმარისია 1/3 ჩ.კ. შაქარი.
   
8. დაკეცეთ ცომი შუაზე და შეაერთეთ ბოლოები ნაწნავით ან ჩანგლით. ასეთი ნაკეცები არ იხსნება ხარშვის დროს და არც უმი რჩება.
   
   
   
   
9. მცირე ზომის ქვაბში აადუღეთ წყალი, დაუმატეთ მარილი 1/2 ს.კ. 3 ლ წყალზე. ჩაყარეთ ვარენიკები თითო-თითო.
   
10. როცა ცომი ამოტივტივდება, კარგად მოურიეთ და ხარშეთ კიდევ რამდენიმე წუთით. ჩვეულებრივ, ვარენიკების მომზადებას 3-7 წუთი სჭირდება.
    
    
    
    
11. მზა კერძი ამოიღეთ ისე, რომ წვენი ქვაბში დარჩეს. მიირთვით არაჟანთან ერთად.
    
    
    

ვარენიკების მომზადების ყველაზე რთული პროცესი მათი ხარშვაა. არასწორად ხარშვით გაფუჭდება იდეალური ცომიც კი. ჩვენ გაგანდობთ 5 ეშმაკობას იმისათვის, რომ სწორად მოხარშოთ ცომი.

1. ხარშვისთვის შეარჩიეთ დაბალი და განიერი ქვაბი. ასეთ ჭურჭელში ვარენიკები უფრო ჩქარა მოიხარშება და არ შეეწებება ერთმანეთს. 1 კგ ვარენიკებზე გამოიყენეთ 3 ლ წყალი.
   
2. ტკბილი ვარენიკებისთვის წყალი აუცილებლად დაამარილეთ. მარილი იცავს ცომს შეწებებისგან და აძლიერებს გემოს. მარილი ცივ წყალში უნდა დაამატოთ.
   
   
   
3. არ ჩაასხათ მზესუმზირის ზეთი წყალში! იგი დაუმატეთ ცომს.
   
4. მდუღარე წყალში ვარენიკების ჩაყრისთანავე მოურიეთ მას ხის ნიჩბით. ასე ისინი არ შეეწებება ქვაბის ცხელ ფსკერს.
   
5. იმისათვის, რომ ცომიანი კერძი ან ამჟავდეს, არ იჩქაროთ ცეცხლის შმცირება, როცა წყალში ჩაყრით მათ. შეამცირეთ ტემპერატურა მხოლოდ ადუღების შემდეგ. შემდეგ ხარშეთ მომზადებამდე.
   
   

ვარენიკები, პრაქტიკულად, ყველას უყვარს. ამ კერძის საიდუმლო შიგთავსის მრავალფეროვნებაშია, რომელთა შორის ისეთსაც იპოვით, რომელიც ყველაზე პრეტენზიულ გურმანსაც მოეწონება.