საკვები სოდა შესამჩნევად აუმჯობესებს თმის იერს და წმენდს მას უკეთ, ვიდრე ნებისმიერი შამპუნი. სოდა ანიჭებს თმებს ბზინვარებას, სირბილესა და მოცულობას უკვე რამდენიმე გამოყენების შემდეგ. იმის ნაცვლად, რომ თმა მავნე ქიმიკატებს მიანდოთ, გთავაზობთ თავის დაბანას სოდის ხსნარით. შედეგი სასიამოვნოდ გაგაოცებთ!
თმის მოვლა საშინაო პირობებში
სოდის ხსნარი თავის დასაბანად - ეს მარტივი, უკიდურესად იაფი და ხელმისაწვდომი საშუალებაა. მთავარი კი ისაა, რომ ნატურალური და უვნებელია. სოდა შესანიშნავად ბანს თმას, მისი ამქერცლავი თვისება აშორებს თავის კანს ქერტლს. უნდა გახსოვდეთ ერთი წესი: სოდის ხსნარი მშრალ თმაზე უნდა წაისვათ.
ინგრედიენტები:
- 2 ს.კ. სოდა
- 0.5 ჭიქა მდუღარე წყალი
- 500 მლ თბილი წყალი
- ნახევარი ლიმონის წვენი
- დიდ ფინჯანში 2 ს.კ. სოდას დაასხით მდუღარე წყალი. სოდა უნდა აშუშხუნდეს. მოურიეთ კოვზით, სანამ არ გაიხსნება. ეს პროპორცია უხდება ცხიმიან თმას, მშრალი და მსხვრევადი თმისთვის კი გჭირდებათ 1 ჩ.კ. სოდა.
- შეავსეთ ფინჯანი თბილი წყლით. სურვილისამებრ, დაუმატეთ ჩაის ხის ეთერზეთი.
- დაისხით ხსნარი თმებზე და დაიწყეთ შეზელა. ეფექტი ისეთი იქნება, თითქოს თმაზე საპონი წაისვით. ეს თმის ცხიმისა და სოდის შერევის ეფექტია.
- კარგად შეიზილეთ თმაში ხსნარი 3 წუთის მანძილზე, შემდეგ ჩამოიბანეთ გამდინარე წყლით.
- მოამზადეთ ლიმონის სავლები. 500 მლ თბილ წყალში ჩააწურეთ წვენი, ამ ხსნარით დაიზილეთ თმა, გაწურეთ და შეიხვიეთ პირსახოცით.
- ჩამოიბანეთ გრილი წყლით და გააშრეთ თმა ბუნებრივად, ფენის გარეშე.
ახლა უკვე აღარ მოგიწევთ თავის დაბანა ისე ხშირად, როგორც აქამდე.
