გარგრის მირთმევის შემდეგ, ჩვენ დაუფიქრებლად ვყრით კურკებს, რომლებიც, როგორც აღმოჩნდა, რბილობს სჯობს თავისი შემადგენლობით. Rchevebi.com-ის რედაქცია გთავაზობთ ინფორმაციას გარგრის თხილის შესახებ.
გარგრის კურკების სასარგებლო თვისებები
კურკების სამკურნალო თვისებები ჯერ კიდევ ანტიკურ ხანაში გამოიყენებოდა. უკვე ძველ ეგვიპტეში, გარგრის თხილს ფქვავდნენ და გამოიყენებდნენ ხმის დაკარგვისა(ლარინგიტის) და ნაწლავების მოქმედების სისუსტის დროს.
ჩინელი მკურნალები გარგრის თხილის ზეთს კანისა და სახსრების დაავადებების სამკურნალოდ იყენებდნენ. შუასაუკუნეების ცნობილი მკურნალი, ავიცენა იყენებდა გარგრის კურკებს ბრონქიტის სამკურნალოდ. ეს ყველაფერი შესაძლებელი გახდა გარგრის თხილში არსებული სასარგებლო ნივთიერებისა და ნაერთების დამსახურებით.
- ტოკოფეროლი (ვიტამინი E) ხელს უშლის ნაადრევ დაბერებას.
- კალიუმი, კალციუმი, ფოსფორი და რკინა აძლიერებს იმუნიტეტს და ხელს უწყობს ორგანიზმის ნორმალურ ფუნქციონირებას. კალიუმისა და რკინის მაღალი შემცველობის წყალობით, გარგრის თხილი გაგათავისუფლებთ ანემიისგან.
- იოდი და მაგნიუმი ასტიმულირებს თავის ტვინსა და ფარისებრ ჯირკვალს, ხსნის ჰიპერტონიის სიმპტომებს.
- უჯერი ცხიმოვანი მჟავები კუნთებს სწრაფად აღდგენაში ეხმარება ინტენსიური ფიზიკური დატვირთვების შემდეგ, ასევე, პასუხს აგებს კანის, ფრჩხილებისა და თმების ჯანმრთელობასა და სილამაზეზე.
- ვიტამინი B17 (ამიგდალინი) ებრძვის კიბოს უჯრედებს.
- ვიტამინი B15(პანგამის მჟავა) აფართოებს სისხლძარღვებს, ამცირებს სისხლში ქოლესტერინის დონეს, პოზიტიურად მოქმედებს თირკმლებისა და ღვიძლის მუშაობაზე.
- ვიტამინი PP ეხმარება ორგანიზმში დამჟანგველ-აღმდეგ რეაქციებს.
- საკვები ბოჭკოები იწოვს ტოქსინებს ნაწლავებში, ზრდის მათ ტონუსს და არეგულირებს სასარგებლო მიკროფლორის ფუნქციონირებას.
გარგრის თხილი კიბოს პროფილაქტიკისთვის
გარგის თხილში, ისევე, როგორც ატმის, ქლიავის, ალუბლის, ვაშლისა და ბლის კურკებში, შედის მცირე რაოდენობით ამიგდალინი, იგივე В17, სავაჭრო სახელით "ლაეტრილი". სწორედ ეს გლიკოზიდი აძლევს თხილს მომწარო გემოს.
რთულია ისეთი ურთიერთსაწინააღმდეგო თვისებების მქონე ნივთიერების გამოძებნა, როგორიც ამიგდალინია. მეცნიერთა ერთი ნაწილი ამტკიცებს მის მიერ კიბოს დამარცხების შესაძლებლობას, მეორენი - კოლეგებს დასცინიან.
"ლაეტრილის" გამოყენებას კი, ონკოლოგიური დაავადებების მკურნალობის დროს, უამრავი მტკიცებულება ახლავს, ოფიციალური მედიცინა კი არ აღიარებს მის ეფექტურობას.
ამას გარდა, საკვები პროდუქტებისა და მედიკამენტების კონტროლის ამერიკელმა ხელმძღვანელებმა ოფიციალურად აკრძალეს ამიგდალინის შემცველი პრეპარატების გამოყენება.
მიუხედავად ამისა, ამიგდალინს ბევრი იყენებს ტრადიციული ქიმიოთერაპიის დანამატად და კიბოს პროფილაქტიკისთვის. თუ აფთიაქში В17-ის შეძენა შეუძლებელია, მისი მიღება გარგრის თხილისგან შეგეძლებათ.
კითხვის გასაგრძელებლად გადადით მეორე გვერდზე
