"რჩევების" რედაქცია სრულ კომპლექსს გთავაზობთ, სადაც ზურგის კუნთების გასაძლიერებლად ყველა ეფექტური ვარჯიში არის. ეს უბრალოდ ტანვარჯიში არაა, ეს იოგა, ციგუნი და სისხლძარღვების გამაჯანსაღებელია ერთად. დახარჯეთ 10 წუთი და ხერხემლის ტკივილს სამუდამოდ დაივიწყებთ.
ზურგის კუნთების ვარჯიში
უმჯობესია თუ დილის 8 საათამდე შეასრულებთ. თითოეულ ვარჯიშს მინიმუმ ერთი წუთი დაუთმეთ. გამოიყენეთ მყარი ზედაპირი, კომფორტული ტანსაცმელი და ფეხსაცმელი.
1. "ბოძი თოკებით"
ეს ვარჯიში ზურგს და მხრებს ადუნებს. ფეხები მხრების სიგანეზე გასწიეთ, ხელები მოადუნეთ. ხელებით "დაჭერას" შეეცადეთ, ერთდროულად წელის გარშემო მოტრიალებით. გაზარდეთ ინტენსივობა ყოველ ამოსუნთქვაზე.
2. "ყანჩა"
ბოშები ამ ვარჯიშს "ერთ ფეხზე მდგარ ოქროს მამალს" უწოდებენ. ფეხსაცმელი გაიძვრეთ. კარგად ვითარდება კოორდინაცია, ბალანსი, სიმარჯვე. აღმოსავლეთის მედიცინა მიიჩნევს, რომ ვარჯიში დაავადების ფესვებს კურნავს და ორგანიზმის იმუნიტეტს აძლიერებს.
ერთ ფეხზე დადექით, მეორე ისე ასწიეთ რომ იატაკის პარალელური იყოს ან უფრო მაღლა.
აწეული ფეხის მხარეს ხელი წინ გასწიეთ, მაგრამ ბოლომდე არ გამართოთ. მეორე ქვემოთ დასწიეთ, იდაყვი იატაკს უნდა უყურებდეს. თითქოსდა ორი ბურთის თავიდან აცილებას ცდილობთ. ასეთ პოზაში რამდენიმე წამით გაჩერდით. როცა ბალანს და წონასწორობას მიაღწევთ, დახუჭული თვალებით თითის წვერებზე 3-5-ჯერ აიწიეთ.
3. "რგოლი"
ეს ყველაზე ღირებული ვარჯიშია. შესანიშნავად ამაღლებს ტონუსს და დაძაბულობას ხსნის. შესრულების მეთოდი მარტივია: იატაკზე დაჯექით "თურქულად", აუცილებლად მყარ ზედაპირზე. თუ დისკომფორტს განიცდით რბილი ხალიჩა გამოიყენეთ. ზურგი მაქსიმალურად მოამრგვალეთ. მყისიერად იატაკისკენ დაიხარეთ, გაკატავდით ზურგზე და კვლავ საწყის პოზას დაუბრუნდით. ფეხები შეგიძლიათ გაასწოროთ, მაგრამ მაშინ წვივზე დაიჭირეთ თავი. შეასრულეთ მინიმუმ 12-ჯერ.
4. "ჩაქუჩი"
ამ ვარჯიშის დროს ზურგის ზედა ნაწილი მონაწილეობს, განსაკუთრებით მხრებს შორის ადგილი. სასურველია "რგოლის" ვარჯიშის დასრულების შემდეგ შეასრულებთ. დაწექით ზურგზე, ხელები მხრებზე შემოიხვიეთ. აიწიეთ და დაამრგვალეთ. ზურგი ზემოთ ასწიეთ, ხელები მხრებზე მონაცვლეობით ცვალეთ. გააკეთეთ 12-ჯერ, თითოეულ ხელზე 6-ჯერ.
5. გაჭიმვები
ყველაზე მარტივი სავარჯიშო. კუნთებს ადუნებს, აუმჯობესებს სისხლის მიმოქცევას. ზურგზე დაწოლისას ხელები გადააჯვარადენით და ზემოთ ასწიეთ, თითის წვერები დაჭიმეთ. გააკეთეთ ისე, როგორც სურათზეა. გახსოვდეთ სუნთქვა, ის თავისუფალი და მსუბუქი უნდა იყოს. ამ პოზაში რამდენიმე წამი გაჩერდით, საკმარისია 10-ჯერ გაიმეოროთ. თუ დაწოლა კომფორტული არაა, გაჭიმვები შეგიძლიათ დამდგარმაც გააკეთოთ თითს წვერებზე აწევით.
