მდიდარი და დამარბილებელი სახის კრემის მისაღებად ერთმანეთს შეურიეთ ღრმად მკვებავი კაკაოს ცხიმი და ნუშისა და ჟოჟობას ზეთები. ნუშისა და ჟოჟობას ზეთებში შემავალი უცვლელი ცხიმოვანი მჟავები კანს ამდიდრებს, კვებავს და სძენს მეტ მოქნილობას, ფუტკრის ცვილი კი დამატებით დაცვას გვთავაზობს და კანს წყლის დაკარგვისგან იცავს. შედეგად ვიღებთ სახის მშვენიერ დამატენიანებელს.

60 გრამის დასამზადებლად საჭიროა

ინგრედიენტები:

• 2 ჩ/კ კაკაოს ცხიმი
  
• 1 ჩ/კ ნუშის ზეთი
  
• 1 ჩ/კ ჟოჟობას ზეთი
  
• 1 ჩ/კ ფუტკრის ცვილი
  
• 4 ს/კ მინერალური წყალი
  
• 1 ს/კ ემულგატორი ცვილი
  
• 1 ჩ/კ გლიცერინი
  

მომზადების წესი:
დაამზადეთ ემულსია ისე, როგორც ეს ქვემოთ მოცემულ აღწერაშია ნაჩვენები.
თანაბარი მასის მიღების შემდეგ გადაიტანეთ სტერილურ ქილაში და დატოვეთ 1 საათით გასაგრილებლად. გაგრილების შემდეგ შეგიძლიათ გამოიყენოთ ან დაახურეთ თავზე და შეინახეთ მაცივარში. შენახვის ვადა 6 კვირა.

გამოყენების წესი:
უხვად წაისვით სახესა და ტანზე, განსაკუთრებით - მშრალ ზონებში. შეიზილეთ სახის კანსა და ყელის არეში ხელის ზემოთ მიმართული და ნაზი მოძრაობით. მოერიდეთ ნაზ მიდამოებს თვალებთან.

ემულსიის მომზადება:

1. კაკაოს ცხიმი, ნუშისა და ჟოჟობას ზეთები და ცვილი შუშის თასში მოათავსეთ. შემოდგით ორთქლის თავზე და გაათბეთ. ცვილის გადნობის შემდეგ გადმოდგით ცეცხლიდან.
   
   
2. ტაფაში 80 გრადუსამდე გააცხელეთ მინერალური წყალი. დაუმატეთ ემულგატორი ცვილი და გლიცერინი. ურიეთ ცვილის მთლიანად დადნობამდე. თუ ცვილი კარგად არ გადნა, მოგვიანებით შეიძლება წყლის განმეორებით გაცხელება დაგჭირდეთ.
   
   
3. ცხელი წყლის ნარევს დაუმატეთ ცხელი ზეთების ნარევი და ხელის სათქვეფით ან ხელის ბლენდერით თქვიფეთ გაუჩერებლად, სანამ ინგრედიენტები კარგად არ გაიხსნება. გაგრილებისას დროდადრო მორიეთ.