საყვავილე ქოთნების სათბური-ქურთუკები შესანიშნავი იდეაა. ისინი იცავს მცენარეთა ფესვთა სისტემას გადაცივებისგან და განსაკუთრებით გამოსადეგია: შემოდგომით, ზამთარში და გაზაფხულზე ფანჯრის რაფასთან მობინადრე დეკორატიულ-მოყვავილე თუ დეკორატიულ-ფოთლოვანი სახეობებისთვის.
მსგავსი აჟურული ქურთუკის მოსაქსოვად დაგჭირდებათ: ნარღვევი ან ნარჩენი ფერადი ძაფები, ყაისნაღი და ერთი გამოუსადეგარი CD ან DVD დისკი.
სასურველია ფერის ძაფით დისკს შემოაქსოვოთ ყაისნაღით წყალი, ხოლო შემდეგ დაიწყეთ ფერადი ძაფებით გვერდების ამოყვანა. სასურველი სიმაღლი მოქსოვის შემდეგ, ჩააბრუნეთ თვლები და ნაქსოვში მოათავსეთ ქოთნიანი მცენარე.


ზუსტად ანალოგიურად, ოღონდ დისკის გამოყენების გარეშეც შეგიძლიათ მოქსოვოთ სათბური - ქურთუკი, ოღონდ ნაქსოვის გამოყენების შემთხვევაში, მოგიწევთ მაქსიმალურად რწყვის კონტროლი, რადგანაც მსგავს ნახელავს არ გააჩნია სადრენაჟო ხვრელი.

თუ არ გეხერხებათ წინდის ჩხირებით ან ყაისნაღით ქსოვა, ნუ ინაღვლებთ. სათბური - ქურთუკები მარტივად შეგიძლიათ დაამზადოთ ძველი ან გამოუსადეგარი ნაქსოვი ტანსაცმლისგან. ამისთვის დაგჭირდებათ: ტანსაცმელი, სანტიმეტრი, მაკრატელი, ნემსი, ძაფი ან სილიკონის წებო.

ტანსაცმელი გარეცხეთ ცხელ წყალში და გააშრეთ. გაზომეთ ქოთნის სიმაღლე და ტანსაცმელს მოაჭერით სასურველი სიგრძის სახელო. გადანაჭერ ადგილას თვლების ჩაყრის თავიდან ასაცილებლად, ნემსით და ძაფით ნაზად შემოუხვიეთ ან გაპოხეთ სილიკონით, ხოლო შემდეგ ჩამოაცვით ქითანს.