გთავაზობთ ყველაზე პოპულარული და უმარტივესი ომლეტის რეცეპტებს. ომლეტი მზადდება თითქმის ისევე, როგორც ჩვეულებრივი ერბოკვერცხი, მხოლოდ ემატება რძე და ზოგჯერ რომელიმე ბოსტნეული. კარგად ათქვეფილ ყოველ 5 კვერცხზე უნდა ავიღოთ, 1/3 ჩაის ჭიქა ცივი რძე, 1 ჩაის კოვზი პურის ფქვილი და 1 ჩაის კოვზი კარაქი ან ერბო. კარგად შემწვარი ომლეტი ორად გადაკეცილი უნდა გადავიტანოთ თეფშზე და ისე მივიტანოთ სუფრაზე.

ომლეტი სტაფილოთი

დაგჭირდებათ:

• კვერცხი - 7 ცალი
  
• რძე - 1 ჩაის ჭიქა
  
• სტაფილო - 200 გრამი
  
• ერბო - 60 გრამი
  
• მარილი - გემოვნების მიხედვით.
  
  მომზადების წესი:
  7 კვერცხი კარგად ავთქვიფოთ 1 ჩაის ჭიქა რძესთან ერთად, მოვაყაროთ მარილი. ჩავყაროთ ხორცსაკეპ მანქანაში გატარებული ნახევრად მოხარშული სტაფილო, დავასხათ გაცხელებულ ებოწასმულ ტაფაზე და შევდგათ ჰაერღუმელში. გამოცხობის შემდეგ სუფრაზე მივიტანოთ ტაფითვე.
  
  ომლეტი ხორცით
  
  ინგრედიენტები:
  
• კვერცხი - 5 ცალი
  
• რძე -1 ჩაი ჭიქა
  
• ხორცი - 250 გრამი
  
• ერბო - 60 გრამი
  

მომზადების წესი:
კარგად ავთქვიფოთ 5 კვერცხი და 1 ჩაის ჭიქა რძე. შიგ ჩავყაროთ წინასწარ მოხრაკული ხორცის ფარში და შევწვათ ერბომოსხმულ ტაფაზე, უმჯობესია - ჰაერღუმელში.