სამუშაოს დაწყების წინ ოთხივე ქოთანი და ქვესადგამი გაასუფთავეთ, გაწმინდეთ სპირტიანი ჩვრით, გააშრეთ, სათითაოდ შეღებეთ სხვადასხვა ფერის საღებავი აეროზოლით და დაელოდეთ სრულ შრობას.
ღრუბლისაგან გამოჭერით წრე, დაასველეთ თეთრი ფერის აკრილის საღებავში, თითოეულ ქოთანზე დახატეთ წრეები და გააშრეთ.
საშუალო ზომის საყვავილე ქოთნის ცენტრში ცხელი სილიკონის წებოთი მყარად დააწებეთ წრიული რკინის მილი, ქოთანში ჩაყარეთ რიყის ქვები ან კენჭები, შეავსეთ სასურველი მიწის სუბტრატით და ჩარგეთ მცენარეები.
იმ შემთხვევაში, თუ საყვავილე ქოთნის სადრენაჟო ხვრელი შედარებით მცირე ზომისაა და მას ვერ აცმევთ კონსტრუქციას, მაშინ სადრენაჟო ხვრელში წრიულად, რამდენჯერმე დაატრიალეთ არმატურის ნაგლეჯი და ხვრელიც გაფართოვდება.
უკვე მზა კონსტრუქციას ჩამოაცვით მცირე ზომის ქოთანი, მიეცით დაქანება, სადრენაჟო ხვრეთან ჩაფინეთ თექის მცირე ზომის ნაჭერი, ჩაყარეთ სადრენაჟო ფენა, მიწის სუბსტრატი და ჩარგეთ მცენარეები.
სამუშაოს დასასრულს, წრიული მილის ყელთან, 2-3 სმ-ის მოშორებით, ორმხრივად, ცხელი სილიკონის წებოთი დააწებეთ საყვავილე ქოთნის ქვესადგამი, ხოლო არსებული მილის ღრუში ჩასვით წვრილ ჯოხზე დამაგრებული ფუტკრის აპლიკაცია და მინიმთვრალი ქოთნებიც მზად არის ინტერიერის დეკორირებისთვის.
