მამაჩემი ჯერ კიდევ ახალგაზრდობაში ჩიოდა მაღალ წნევაზე, თუმცა ჰიპერტონიის წამლებს არ იღებდა, ეწეოდა და დღესასწაულებზე ალკოჰოლს სვამდა. და, აი, ორი წლის წინ ინსულტი მოუვიდა. არ მინდა იმის შესახებ წერა, თუ როგორ გვიჭირდა მე და ჩემს ახლობლებს იმ მომენტში, მაგრამ, მინდა ვთქვა, რომ საერთო ძალისხმევით(ექიმების შრომითა და ჩვენი მხარდაჭერით) მამაჩემი თანდათან რეაბილიტირდა.
ახლა მაღალ არტერიულ წნევასთან ბრძოლა ჩემთვის ძალიან აქტუალურია, განსაკუთრებით, თუ გავითვალისწინებთ, რომ მე და ჩემი უფრო და ჰიპერტონიკები ვართ. ამიტომ დავიწყე ინფორმაციის შეგროვება სხვადასხვა წყაროდან: ექიმებისგან, იოგებისგან, იმ ადამიანებისგან, რომლებიც გამოჯანმრთელდნენ ინსულტის შემდეგ და მათგანაც, ვისაც უკვე აღარ აწუხებს ჰიპერტონია, რათა ჩემს ახლობლებს ჯანმრთელობის შენარჩუნებაში დავეხმარო.
როგორ შევამციროთ წნევა მედიკამენტების გარეშე
თუ სისხლის მაღალი წნევა გაწუხებთ, სცადეთ ერთ-ერთი ნატურალური საშუალება მის შესამცირებლად. ნახავთ, რომ არ გჭირდებათ მედიკამენტების რეგულარული მიღება იმისთვის, რომ თავი უკეთ იგრძნოთ.
დღეს Rchevebi.com-ის რედაქცია წარმოგიდგენთ 8 სავარჯიშოს მაღალი წნევის წინააღმდეგ. დაიწყეთ სვლა ჯანმრთელობისკენ!
გახსოვდეთ: სავარჯიშოები კარგი განწყობით უნდა დაიწყოთ. აკრძალულია სავარჯიშოების გაკეთება დაღლილ მდგომარეობაში. ვარჯიშამდე სასურველია საპირფარეშოში გასვლა, რათა ნაწლავები ცარიელი იყოს. უნდა მიირთვათ ვარჯიშამდე 3-4 საათით ადრე, წყალი 30 წუთით ადრე უნდა დალიოთ.
წნევის შესამცირებელი სავარჯიშოები
- დავიწყოთ სუნთქვით, უფროსწორად, მუცლით სუნთქვით!
შესუნთქვისას გამობერეთ მუცელი, რათა დიაფრაგმა წამოიწიოს, ამოსუნთქვისას შეწიეთ მუცელი, რათა დიაფრაგმა ქვემოთ დაეშვას. შეისუნთქეთ ცხვირით, გამოისუნთქეთ - პირით, გამოისუნთეთ ორჯერ უფრო ნელა, ვიდრე შეისუნთქავთ.
როცა დიაფრაგმა იწევს და ეშვება, მუცლის ღრუს წნევა ძლიერად იცვლება. ეს, თავის მხრივ, მექანიკურად მოქმედებს ცთომილ ნერვზე. ნერვიდან სიგნალი ავტომატურად ამცირებს სისხლძარღვების ტონისს: ისინი ფართოვდება, არტერიული წნევა კი მცირდება!
- ტადასანა(მთის პოზა)
დადექით სწორად, შეაერთეთ ტერფები. გაანაწილეთ სხეულის მასა თანაბრად, ტერფის ზედაპირებზე. გაასწორეთ თეძოები და მუხლები, გაშალეთ მკერდის არე და თავით აიზიდეთ მაღლა. შეინარჩუნეთ პოზა 30-60 წამით, ისუნთქეთ თანაბრად ამ დროის მანძილზე.
ეს სავარჯიშო აძლიერებს მუცლის კუნთებს, აუმჯობესებს სხეულის ფორმას, ათავისუფლებს ზურგის ნერვებს.
- ფეხებისკენ დახრა ჯდომით
დაჯექით რამდენიმე პლედზე, გაწელეთ ფეხები წინ და გაასწორეთ. მოათავსეთ მათზე დახვეული საბანი და გადაიწიეთ კორპუსით წინ. მოეჭიდეთ ტერფებს. თუ ამის აუცილებლობაა, მოხარეთ ფეხები. სურვილის მიხედვით, შე,გიძლიათ პლედს ბალიშიც დაუმატოთ და შუბლი მასზე დადოთ.
- გოასანა(მაგიდის პოზა)
დადექით ოთხზე ისე, რომ თეძოები და ხელები ტორსის პერპენდიკულარული იყოს. გაწიეთ წინა მარცხენა ხელი და მარჯვენა ფეხი. ფეხის ტერფი გაჭიმეთ უკან. შემდეგ მოიქეცით ასევე მეორე წყვილ კიდურებზეც. ამ პოზაში სუნთქვის რამდენიმე ციკლის მანძილზე გაჩერდით. ეს დაგეხმარებათ ზურგის კუნთების გაძლიერებაში.
- ფეხების წამოწევა
დაწექით იატაკზე და წამოწიეთ ფეხები მაღლა, შეგიძლიათ, მიაყრდნოთ კედელს. სუნთქვა თავისუფალია, კუნთები არ დაჭიმოთ და გაჩერდით ამ მდგომარეობაში მაქსიმალურად დიდხანს.
წნევა ამ მდგომარეობაში დაიკლებს, ვინაიდან იზრდება ვენოზური სისხლის ნაკადი ქვედა კიდურებიდან და მუცლის ღრუს ორგანოებიდან მარჯვენა წინაგულისკენ. მარჯვენა წინაგულის დაძაბვა კი გამოიწვევს გულის ყურების მიერ ავტომატურად ნატრიიურეტიკული ჰორმონის გამომუშავებას, ეს უკანასკნელი კი პასუხს აგებს თირკმლის გავლით ორგანიზმიდან ნატრიუმის გამოდევნაზე.
ამ ნაკადთან ერთად გადის ჭარბი წყალიც. ცირკულირებადი სისხლის მოცულობა იკლებს, წნევაც, თავის მხრივ, მცირდება.
- ხიდის პოზა
მოთავსდით იატაკზე. გაასწორეთ ფეხები, შეატყუპეთ მუხლები და შემდეგ დადგით ტერფები იატაკზე. მაქსიმალურად მოდუნდით.
კარგი ფიზიკური მზაობის მქონე ადამიანებმა სავარჯიშო ფოტოს მსგავსად უნდა შეასრულონ.
- სუნთქვითი ტექნიკა ანულომა-ვილომა პრანაიამა
დახურეთ მარჯვენა ნესტო თითით, შემდეგ ნელა და ღრმად შეისუნთქეთ მარცხენათი. შემდეგ გამოისუნთქეთ. გაიმეორეთ რამდენჯერმე. ტექნიკა ხსნის ნერვულ დატვირთვას და გეხმარებათ მოდუნებაში.
- კომპლექსის დასრულება კი შავასანათი შეგიძლიათ
ამ საყვარელი სავარჯიშოს შესასრულებლად უნდა დაწვეთ იატაკზე ზურგით, თავი კი მცირე ზომის, დაბალ ბალიშზე უნდა დადოთ.
გაწელეთ ფეხები, ხელები დაალაგეთ სხეულის დონეზე. ოდნავ წამოიწიეთ ფეხისა და ხელის თითებზე თავის მიმართულებით. მოდუნდით, დახუჭეთ თვალები, ისუნთქეთ ნელა, კონცენტრირდით ამოსუნთქვაზე. მთლიანად შეისუნთქეთ მუცლით, ოდნაც გამობერეთ, შეიგრძენით, როგორ წამოიწევა თეძოები და ფართოვდება გულის არე. ეცადეთ, წარმოიდგინოთ თუ როგორ ავსებს სუფთა ჰაერი ფილტვებს. ასევე ტალღოვნად დაუშვით თეძოები და მუცელი, წარმოიდგინეთ, როგორ ტოვებს ჰაერი ფილტვებს.
ეს სავარჯიშოები დაგეხმარებათ წნევის შემცირებაში. მაგრამ გახსოვდეთ, რომ ისინი არ გხსნით ვალდებულებას, რეგულარულად მიიღოთ ექიმის მიერ დანიშნული მედიკამენტები.
