კანის დამატენიანებელი კრემი, რომელიც კანს მოქნილობას, ტონუსსა და სტრუქტურას აღუდგენს. ხელს უწყობს ორგანიზმიდან ლიმფური სითხის გამოდევნას, ვინაიდან ებრძვის სითხისა და ტოქსიკური ნარჩენების დაგროვებას, რომელიც თავის მხრივ, ცელულიტს წარმოშობს. ამ კრემში შემავალ ეთერზეთებს არა მარტო მოტკბო და ხილისებრი სურნელი აქვს, არამედ ფორთოხალი ხელს უწყობს ლიმფური სითხის მოძრაობასაც, მანდარინი ებრძვის სტრიების გაჩენას,ხოლო კვიპაროსის ზეთი შემკვრელი მოქმედებით გამოირჩევა.

100 გრამის დასამზადებლად დაგჭირდებათ:

ინგრედიენტები:

• 1 ს/კ კაკაოს ცხიმი
  
• 1 ჩ/კ ქოქოსის ზეთი
  
• 1 ჩ/კ ვარდის კოკორის ზეთი
  
• 1 ჩ/კ ავოკადოს ზეთი
  
• 1 ს/კ ემულგატორი ცვილი
  
• 60 მლ მინერალური წყალი
  
• 1 ჩ/კ გლიცერინი
  
• 1 ჩ/კ თხილის მცენარეული წყალი
  
• 5 წვეთი მანდარინის ეთერზეთი
  
• 4 წვეთი ფორთოხლის ეთერზეთი
  
• 4 წვეთი საკმეველის ეთერზეთი
  
• 2 წვეთი მუსკატის სალბის ეთერზეთი
  
• 2 წვეთი კვიპაროსის ეთერზეთი
  

მომზადების წესი:

1. ორთქლის ქვაბზე კარაქისგან, ზეთებისა და ემულგატორი ცვილისგან მოამზადეთ ემულსია. ცვილის დადნობისთანავე გადმოდგით ქვაბი ცეცხლიდან.
   
2. ტაფაში 80 გრადუსამდე შეათბეთ მინერალური წყალი. დაუმატეთ გლიცერინი და თხილის მცენარეული წყალი და კარგად მოურიეთ. თუ ინგრედიენტები კარგად არ გაიხსნა, ხელმეორედ გააცხელეთ წყალი.
   
3. ცხელი წყლის ნარევს დაუმატეთ ზეთების ნარევი და თქვიფეთ ხელის სათქვეფით ან ხელის ბლენდერით გაუჩერებლად, სანამ ერთგვაროვან მასას არ მიიღებთ.
   
4. დაუმატეთ ეთერზეთები და ურიეთ კრემისებრი მასის მიღებამდე. მიღებული მასა ჩაასხით სტერილურ ქილაში და დატოვეთ გასაგრილებლად. გაგრილების შემდეგ დაახურეთ თავზე და შეინახეთ გრილსა და მშრალ ადგილას. შენახვის ვადაა 6 კვირა.
   

გამოყენების წესი:
ხელის მსუბუქი მოძრაობით წაისვით ტანზე. განსაკუთრებით დაიმუშავეთ ის ზონები, სადაც კანი გამომშრალია. შეგიძლიათ გამოიყენოთ კანის მშრალი გახეხვის დროს.