ამ ნიღაბის დასამზადებლად გადამწიფებული ბანანი დაგჭირდებათ. ბანანი კალიუმის და A, C, E ვიტამინების მდიდარი წყაროა, ეს ვიტამინები კი ამაგრებს და აჯანსაღებს თმას, ამიტომაც ბანანი თმის სამკურნალო ჩინებული ხილია.

ერთი გამოყენებისთვის დაგჭირდებათ:

• 1 საშუალო ზომის მწიფე ბანანი
  
• 1 მწიფე ავოკადო
  
• 3 ს/კ ქოქოსის რძე
  

მომზადება:
ჩანგლით დაჭყლიტეთ რბილი ბანანი და ავოკადო თასში.
დაამატეთ ქოქოსის რძე და კარგად აურიეთ ისე, რომ პასტისმაგვარი მასა გამოვიდეს. თუ ძალიან მშრალი ან დაზიანებული თმა გაქვთ, შეგიძლიათ ავოკადო შეცვალოთ 1 სუფრის კოვზი ნუშის, ქოქოსის ან ზეითუნის ზეთით.
გამოიყენეთ დამზდებისთანავე, რადგან ნიღაბი შეიცავს ნედლ ინგრედიენტებს.

როგორ გამოვიყენოთ?
შეიზილეთ მშრალ თმაზე და გაიჩერეთ 15 წუთით. მაქსიმალური ეფექტისთვის შემოიხვიეთ თავზე პირსახოცი (უმჯობესია თბილი ) და 15 წუთით გაიჩერეთ.
ჩამოიბანეთ პასტა თმიდან თბილი წყლით და დაიბანეთ შამპუნით.