მიწაზე გართხმული მრავალწლოვანი მცენარეები შესანიშნავი მოფიქრებაა მოლისთვის განკუთვნილი ფართის ასათვისებლად ან გასაკრეჭად მიუდგომელი ადგილების შესავსებად. მაგრამ მათ გასახარებლად საჭიროა დიდი რაოდენობის ნორჩი მცენარეები, რისთვისაც სავსებით მისაღებია მინიბელტები. ეს თავიდან აგაცილებთ დანაკარგების რისკს, ამავდროულად მისაღებ ფასად გექნებათ დიდი რაოდენობის ჩითილებიც. მინიბელტების სახით უამრავი მრვავალწლოვანი არსებობს, მათ გამაც საოცრად მრავალფეროვანია: გობისცხვირა, პირწმინდა, არენარია, ობრიეტა,ალისუმი, ზღვისპირა არმერია, პორტენშლაგის მაჩიტა, კლდისდუმა, ია. საჭიროა, ეს მცენარეები მომაგრდეს მიწაში საბოლოო გადარგვამდე, ვინაიდან ისინი საკმაოდ ნაზია.

დასარგავად მომზადებული ჩითილები

ბაღის მოფარებულ ადგილას ამოთხარეთ მიწა 10 სმ სიგანესა და 5-7 სმ სიღრმეზე. ამოავსეთ სასუქისა და ყვავილების მიწის ნარევით. მოათავსეთ მცენარეები ერთმანეთისაგან 5-6 სმ დაშორებით, ან უფრო შორიშორ, თუ მინიბელტები დიდია. დააცადეთ მომაგრდნენ ერთი თვის განმავლობაში. საჭიროების შემთხვევაში რაიმე გადააფარეთ ღამღამობით. გადარგეთ იქვე, თუ ზომაში სამმაგად გადიდდებიან. ასე მომზადებული მრავალწლოვნებისთვის შედეგი 100%-იანია.

გამოიყენეთ ბუნებრივი თესლები

ზოგიერთი მრავალწლოვანი მცენარე თვითდათესვას ექვემდებარება. მათი თესლი საუკეთესო ხარისხისაა. ასეთებია:

ჰოსტა, ხარისძირა, მარმუჭი, დიდფოთოლა ბრუნერა, ია, წყალიკრეფია, სელიჭა, ქოთანა, გულისაბა, თეთრი ლიმნათესი, აკანთო, ბუჩქისძირა, ბარამბო, მრავალთავთავა, გველისსურო, ნემსიწვერები (არა ყველა), ასტრები ( არა ყველა), ლავანდი, გაურა. რატომ არ გადავრგოთ ეს მცეარეები იქ, სადაც გვჭირდება?