ტრადიციულად, ხალხურ მედიცინაში მრავალძარღვას თესლი საჭმლის მომნელებელი ორგანოების დაავადების მკურნალობაში გამოიყენება, რადგან თესლში არსებულ ლორწოს აქვს კუჭ-ნაწლავის ტრაქტზე დამარბილებელი, ამომფენი მოქმედება.
მრავალძარღვას თესლების ნახარში ეფექტურია კუჭის წყლულოვანი დაავადების, კოლიტის, დაბალი მჟავიანობით მიმდინარე გასტრიტის, ბუასილის დროს.
მრავალძარღვას თესლების ნაყენი
ინგრედიენტები:
- მრავალაძარღვას თესლი - 10 გრ
- წყალი - 120 მლ
მომზადების წესი:
ნედლეულს დავასხათ ადუღებამდე მიყვანილი წყალი და დავაყენოთ 30 წთ.
მივიღოთ 10 მლ 3-ჯერ დღეში 30 წთ-ით ადრე ჭამამდე.
მრავალძარღვას თესლის ფხვნილი, როგორც საფაღარათე საშუალება
ინგრედიენტი: - მრავალძარღვას თესლი - 10 გრ
მომზადების წესი:
ნედლეული დავფქვათ ყავის საფქვავში. მივიღოთ 10 გრ ფხვნილი დილით ჭამამდე, ან ძილის წინ კისელთან ან თბილ ჩაისთან ერთად.
მრავალძარღვას თესლიდან მიღებული ლორწო საშარდე სისტემის დაავადებების დროს
ინგრედიენტები: - მრავალძარღვას თესლი - 20 გრ
- წყალი - 200 მლ
მომზადების წესი:
ნედლეული გავრეცხოთ. დავასხათ ადუღებამდე მიყვანილი წყალი და გავაჩეროთ 10 წთ. მივიღოთ 10 მლ ლორწოიანი ნაყენი 3-ჯერ დღეში ჭამამდე.
მრავალძარღვას თესლი ურეთრიტის დროს
ინგრედიენტები: - მრავალძარღვას თესლი - 20 გრ (კარგად გამომშრალი) მრავალძარღვას ფოთლების ნახარში - 200 მლ.
მომზადების წესი:
თესლები გულდასმით დავნაყოთ სანაყში. მივიღოთ 7,5 გრ ფხვნილი 3-ჯერ დღეში და მივაყოლოთ მრავალძარღვას ნახარში.
მრავალძარღვას თესლის ნახარში უშვილობის მკურნალობისას
ინგრედიენტები: - მრავალძარღვას თესლი - 10 გრ
- წყალი - 200 მლ
მომზადების წესი:
ნედლეულს დავასხათ ადუღებამდე მიყვანილი წყალი, დავდგათ წყლის აბაზანაზე 5 წთ.
მივიღოთ 20 მლ 4-ჯერ დღეში.