მასალად საჭიროა:
- კვერცხი - 5 ცალი
- შაქარი - 500 გრამი
- ქიშმიში - 100 გრამი
- მაწონი - 1 ჩაის ჭიქა
- პურის ფქვილი - 5 ჩაის ჭიქა
- რომი ან არაყი - 2 არყის სირჩა
- ვაშლი - 10 ცალი
- ღვინო - 1/2 ღვინის ჭიქა
- ცუკატები - 100 გრამი
მომზადების წესი:
5 ცალი კვერცხი ავლესოთ 200 გრამ შაქართან ერთად. დავუმატოთ თეთრი პურის ფქვილი, 150 გრამი შაქარი, მაწონი და რომი ან არაყი. დიდი ხნის ზელის შემდეგ ცომი გადავიტანოთ მაგიდაზე, გავათხელოთ და დიდი ფართო თეფშის ზომაზე ამოვჭრათ. ორი რგოლი. ერთზე დავადოთ ვაშლის პიურე, ხოლო მეორე რგოლი ისევთ გავათხელოთ, დავჭრათ გრძელ ვიწრო ნაჭრებად და დავაწყოთ პიურეწასმულ რგოლზე სხვადასხვა სახით. შევდგათ ღუმელში.
ვაშლის პიურე მზადდება ასე:
10 ცალი ვაშლი გავფცქვნათ და დავჭრათ, დავაყაროთ 150 გრამი შაქარი, დავასხათ 1/2 ჭიქა თეთრი ღვინო, შევურიოთ 100 გრამი ქიშმიში, შევდგათ ცეცხლზე და მოვხარშოთ თავისსავე ორთქლში, შემდეგ კარგად დავსრისოთ. კარგია ლიმონისა და ფორთოხლის ცუკატების დამატება.
