თმა შედგება ორი ნაწილისგან - კანის ზედაპირზე ამოსული ღეროსა და კანის სისქეში მდებარე ძირისგან. თმის ძირი ჩამჯდარია თმის ბუდეში, ანუ ფოლეკულში, რომელიც კანის ზედაპირზე იხსნება მცირე გაფართოებით - სანათურით. გოლიკულს აქვს საკუთარი სისხლძარღვები, ნერვები და ცხიმის ჯირკვლები. ცხიმის ჯირკვლის სეკრეტის გამოყოფაში. თმას ახასიათებს ზრდის გარკვეული ხანგრძლივობა, რის შემდეგ იგი ცვივა. თმა უფრო სწრაფად იზრდება თავზე, უფრო ნელა - წარბებზე. თმის ცვენა მუდმივად ხდება. მკვდარი თმა რამდენიმე ხანს კანის სისქეში რჩება, მაგრამ ყოველგვარი მექანიკური ზემოქმედებისას (დაბანის ან დავარცხნის დროს) ადვილად ცვივა. დაცვენილი თმის ადგილას ახალი თმა ამოდის. თმის ძლიერი ცვენა ხშირად დაკავშირებულია ადავმყოფობასთან, ზოგჯერ ინფექციურ და ქრონიკულ დაავადებებთან, აგრეთვე ცხიმის გამოყოფის მოშლასთან (სებორეა), ამიტომ თმის გაძლიერებული ცვენის შემთხვეაში უნდა მიმართოთ ექიმს.
თმის გასამაგრებლად საჭიროა ორგანიზმის საერთო მდგომარეობის გაუმჯობესება, ჰაერზე მეტხანს ყოფნა, კვების რეჟიმის დაცვა, სპორტული ვარჯიში და ა.შ.

თმის ცვენის შესაჩერებლად შეგიძლიათ ხალხური რეცეპტებით დაიხმაროთ:

• თმის ცვენისას და თავზე ეგზემის დროს აუცილებელია კვირაში ერთხელ წყაროს, ჭის, მდინარის თბილი წყლით, თავის დაბანა და, ამავდროულად, 15 წთ-ის განმავლობაში მუჭა მარილით თავის დაზელა. პროცედურის შემდეგ კარგად გადავივლოთ იგივე წყალი. რეკომენდებულია მინიმუმ 6 პროცედურის ჩატარება.
  
  
• 1 ლ მდუღარე წყალში კარგად გავხსნათ 2 ს/კ თაფლი და შევიზილოთ თმის ძირებში 2-ჯერ კვირაში. ხსნარი ამაგრებს თმას და ხელს უწყობს მის ზრდას.
  
  
• იაპონური სოფორას ნაყოფის არყის ნაყენისგან მოვამზადოთ 5-10 %-იანი წყლის ხსნარი, წავისვათ თავზე 2-3-ჯერ კვირაში და გავიჩეროთ 5-10 წთ - თმის ცვენა ჩერდება.
  
  
• ქერტლის დროს თავი ხახამას (ძირებიანად) ნახარშით დავიბანოთ.
  
  
• ნიახურის დანაყილი თესლები შევიზილოთ თავზე, ხელს უშლის გამელოტებას.
  
  
• ქაცვის ნაყოფის წვენი ხელს უშლის თმის ცვენას, ქერტლის გაჩენას, კურნავს თავის კანზე არსებულ ჭრილობებს.
  
  
• 1 წილი მუხის ქერქის ფხვნილი და 5 წილი წყალი შევურიოთ ერთმანეთს და დავუმატოთ 1 ჩ/კ თაფლი. ნარევი კარგად შევიზილოთ თმის ძირებში, გავიჩეროთ 30-40 წთ და ჩამოვიბანოთ თბილი ანადუღარი წყლით. აღნიშნული ნარევი გამოიყენება ცხიმიანი სებორეის დროს.
  
  
• 100 გრ მკვახე კაკლის მწვანე კანი დავჩეჩქვოთ, დავასხათ 0,5ლ არაყი, დავაყენოთ ბნელ, თბილ ადგილას 2 კვირით. პერიოდულად შევანჯღრიოთ, გავწუროთ. შევიზილოთ თავში სოკოვანი ფლორის მოსპობის მიზნით.
  
  
• თმის გასამაგრებლად და ზრდის გასაუმჯობესებლად თვეში ერთხელ თმაში კვერცხის გული და შევიზილოთ, 10-15 წთ-ის შემდეგ ჩამოვიბანოთ არყის ფოთლების ნაყენით.
  
  
• ასკილის ტოტებს წავაჭრათ წანაზარდები, 100 გრ წანაზარდებს დავუმატოთ 50 გრ ჭინჭრის ახალი დაქუცმაცებული ფოთლები და 0,6 ლ არაყი, დავაყენოთ ბნელ ადგილას 1 თვით, პერიოდულად შევანჯღრიოთ, შემდეგ დავუმატოთ 1 თავი დანაყილი ნიორი და ისევ დავაყენოთ 2 კვირით, გავწუროთ. დღეგამოშვებით შევიზილოთ გამელოტებული ადგილები ამ ნაყენით, 3 წთ-ის განმავლობაში, დილას და საღამოს. შუალედებში დავიბანოთ თავი ჭინჭრის ნაყენით. მკურნალობის კურსი 40 დღეა, შესვენება - 2 კვირა, სასურველია ასეთი კურსი ჩატარდეს 3-4-ჯერ წელიწადში.
  
  
• ერთმანეთს თანაბარი რაოდენობით (1:1) დანაყილი ნიორი და ჭინჭრის ფოთლები შევურიოთ. მშრალი სებორეის (ქერტლის) დროს ეს ნარევი თავზე დავიდოთ, დავიფაროთ სელის ნაჭერი და გავიჩეროთ 20 წთ. ჩამოვიბანოთ არყის ფოთლების თბილი ნაყენით.