მწვავე ანთების დროს ტკივილი ძალიან მწვავეა, განსაკუთრებით მუცლის ქვედა ნაწილში. ქრონიკული ფორმის დროს დამახასიათებელია ყრუ ტკივილი.
- გოგრა საკვერცხეების ანთების დროს საუკეთესო საშუალებაა, გოგრა ყველანაირი სახით. უკეთესია უმი გოგრის წვენი დღეში 3-ჯერ თითო ჩაის ჭიქა.
- ღებულობენ ალოეს წვენს დესერტის კოვზით 2-3-ჯერ დღეში ჭამამდე.
- იღებენ ასკილისა და შავი მოცხარის ნაყოფს თანაბარი რაოდენობით. 20 გრამ ნარევს ასხამენ 1 ჭიქა მდუღარე წყალს. უმატებენ შაქარს. ღებულობენ ნახევარ ჭიქას 3-4-ჯერ დღეში.
- გვირილას ყვავილის ნაყენის გამორეცხვები საუკეთესოა საკვერცხეების ანთების სამკურნალოდ. ამისათვის 1,5 ს/კ გვირილას მშრალ ყვავილებს ასხამენ 1 ჩაის ჭიქა მდუღარე წყალს, ფუთავენ. აჩერებენ 20 წთ. შემდეგ 37 გრადუსის ტემპერატურის ნაყენს სპეციალური ოყნით იკეთებენ საშოში.
- გვირილას, კრაზანას, ფარსმანდუკსა და ქრისტესისხლას იღებენ თანაბარი რაოდენობით. 1 სუფრის კოვზ ნაკრებს ასხამენ 1 ჩაის ჭიქა წყალსა და ადუღებენ 10 წთ.
მიღება: ჩაის ჭიქა დღეში 3-ჯერ ჭამის წინ.
საშვილოსნოს ყელის ეროზია - ეროზია - საშვილოსნოს ყელის ეპითელური ქსოვილის მთლიანობის დარღვევაა. ეს დაავადება დაკავშირებულია სასქესო ორგანოების ანთებით დაავადებებთან. ეროზია შეიძლება გაჩნდეს მშოაბიარობის ან აბორტის დროს.
- საშვილოსნოს ყელის ეროზიის დროს გამოიყენება ქაცვის ზეთი ტამპონების სახით. მკურნალობის კურსი 10-12 დღეა. ქაცვის ზეთში დასველებული ტამპონი კეთდება ძილის წინ.
- ამზადებენ ხსნარს. იღებენ 2,5 გ ნამდვილ მუმიოს და ასხამენ 100 მლ წყალს.ხსნიან კარგად და იკეთებენ ტამპონს ყოველ ღამე 10 დღის განმავლობაში.
- 2 ს/კ გულყვითელას ყვავილს ასხამენ 2 ჭიქა მდუღარეს. ღებულობენ 1/2 ჩაის ჭიქას 3-4-ჯერ დღეში ჭამამდე.
- 1 ჩაის კოვზ ევკალიპტის ნაყენს ხსნიანს 1 ჩაის ჭიქა მდუღარე წყალში. გამოიყენება გამორეცხვებისთვის.
- საშვილოსნოდან სისხლდენის, აგრეთვე საშვილოსნოს ყელის ეროზიის დროს, 1/2 ჩაის კოვზ დაქუცმაცებულ თავსისხლას ფესურას აყენებენ ერთ (ძლიერი დოზა) ან ორ ჭიქა წყალზე (შედარებით სუსტი დოზა) 8 საათის განმავლობაში, შემდეგ ადუღებენ 10 წუთს და წურავენ. იღებენ 2-3 სუფრის კოვზს დღეში ჭამის შემდეგ.
