ფიტოჩაი N1 ( ესტროგენული). ენიშნებათ ქალებს მენსტრუალური ციკლის პირველ ნახევარში. შემადგენლობა: 2 წილი სალბი, ბადრანგი, 0,2 წილი ნაცარქათამა, სვია, ტირიფი. 0,3 წილი სამყურა. 0,5 წილი იონჯა. 0,1 წილი უკვდავა. 1 ს/კ ნაკრებს დავასხათ 0,5 ლ მდუღარე წყალი, დავაყენოთ თერმოსში 8-10 სთ. მივიღოთ 1 ჭ დილით და საღამოს მენსტრუალური ციკლის პირველი დღიდან 10 დღის ჩათვლით. მიღების კურსი 2-3 და მეტი თვე.
ფიტოჩაი N2 (პროჟესტერონის) ფიტოჩაის მიღება ნაჩვენებია მენსტრუალური ციკლის მეორე ნახევარში. შემადგენლობა: 0,5 წილი ძირტკბილა და ანგელოზა, 0,2 წილი შვიტა, 0,3 წილი შავბალახა და ხეპილპილა, 1 წილი ჩვეულებრივი მატიტელა და თხაწართხალა, 2 წილი ჭინჭარი და ბადრანგი, 0,1 წილი უკვდავა. 1 ს/კ ნაკრებს დავასხათ 0,5 მდუღარე წყალი. დავაყენოთ თერმოსში 8-10 სთ. მივიღოთ 1 ჭ დილით და საღამოს მენსტრუალური ციკლის მე-11 დღიდან 28-ე დღის ჩათვლით. მკურნალობის კურსი 2-3 და მეტი თვე.
შეიძლება დავამატოთ ისეთი ბალახების ნაყენი, რომლებიც სისხლის გამათხელებელი და ტკივილგამაყუჩებელი მოქმედებით ხასიათდებიან - ტირიფის ქერქის ნახარში (1 ს/კ ერთ ჭიქა წყალზე პროპორციით).
აღნიშნული ნახარშის მიღება რეკომენდებულია შეტევის პერიოდში - 1/4 ჭ 2-ჯერ დღეში. კარგია აგრეთვე წაბლის ნაყენი - 10 წვ დღეში დღეში 2-ჯერ.
სპეციალისტის კომენტარი:
ქალის ფიტოჩაი არეგულირებს ჰორმონალურ ფონს, ხელს უშლის შაკიკის შეტევის განვითარებას, ამცირებს თავის ტკივილს შეტევისას. დისჰორმონალური დარღვევებისას და მასთან დაკავშირებული შაკიკის შეტევისას მკურნალობის კურსი 4-6 თვეა.
ტირიფის ქერქი შეიცავს ბუნებრივ ასპირინს, რომელიც ხელს უწყობს სისხლის გათხელებას და ტკივილის მოხსნას.
წაბლი ცნობილია სისხლის გამათხელებელი თვისებებით. ამის გამო აუმჯობესებს ტვინის სისხლით მომარაგებას.
