» » » მარილების დაგროვების წინააღმდეგ ხალხური მედიცინა მეტად ეფექტურ რეცეპტებს გვთავაზობს...

მარილების დაგროვების წინააღმდეგ ხალხური მედიცინა მეტად ეფექტურ რეცეპტებს გვთავაზობს...

ხშირად ამბობენ, ადამიანი მარილების ჩალაგებით ავადმყოფობსო. მედიცინაში ასეთი სახელწოდების დაავადება ცალკე, დამოუკიდებელი სახით არ არსებობს, მაგრამ ადამიანის ქსოვილებში უხსნადი მარილების ჩალაგება საკმაოდ ხშირი მოვლენაა. ქსოვილებში ლაგდება კალციუმისა და ფოსფორის მარილები, რამაც შეიძლება გამოიწვიოს ძვლოვანი წანაზარდები სახსრების არეში, სასახსრე პარკში, იოგებში, მყესებში, იშვიათად კი კუნთებშიც. ხალხში გავრცელებულია ცრუ აზრი, თითქოს მლაშე საჭმელი აძლიერებს ქსოვილებში მარილების ჩალაგებას. სუფრის მარილი ქლორნატრიუმია, ხოლო ქსოვილებში სულ სხვა ნივთიერებები - კალციუმი და ფოსფორი ლაგდება და მათ სუფრის მარილთან არავითარი კავშირი არ აქვს.

ზოგადად მარილების დაგროვების წინააღმდეგ კი ხალხური მედიცინა გთავაზობთ შემდეგ რეცეპტებს:
  • ამერიკული აგავის 3-5 წლიანი ფოთოლი და იასამანის ყვავილები დაჭერით დანით და ცალ-ცალკე გაატარეთ ხორცსაკეპში. ორივე ეს ინგრედიენტი თანაბარი რაოდენობით ერთმანეთში შეურიეთ და დაასხით 70 გრადუსიანი სპირტი ან ორნახადი არაყი. ნედლეულისა და სპირტის თანაფარდობა უნდა იყოს 1:5, ოთახის ტემპერატურაზე 20 დღეს დადგით. სპირტნაყენს სვამენ 60 წვეთს 1 სუფრის კოვზ წყალში განზავებით დღეში 3-ჯერ და მეოთხედ ძილის წინ. პარალელურად ღამღამობით მტკივნეულ ადგილზე ამ ნაყენის სველ საფენებს იფენენ 3-4 თვის განმავლობაში.

  • 100 გრამი ნეგო, 150 გრამი კრაზანა, 50 გრამი გვირილა, 85 გრამი მარწყვის ფოთოლი და 90 გრამი არყის ხის კვირტები დავფქვათ, ერთმანეთში კარგად ავურიოთ და მინის ჭურჭელში შევინახოთ. ყოველ საღამოს 2 სუფრის კოვზი ნარევი ჩავყაროთ თერმოსში, დავასხათ 400 გრამი მდუღარე წყალი და გავაჩეროთ ერთი საათი. მივიღოთ 100 გრამი თბილ-თბილად, 3-4-ჯერ დღეში, ჭამამდე 15-20 წუთით ადრე.

  • 2 ჩაის კოვზი წითელი მოცვის ფოთოლი ვადუღოთ 15 წუთი ერთ ჭიქა წყალთან. ნახარში გავაგრილოთ, გავწუროთ და ვსვათ დღის განმავლობაში ყლუპობით.

  • 100 გრამი უმარილო კარაქი და 30 გრამი ძმრის ესენცია გავთქვიფოთ ერთმანეთში ისე, რომ გახდეს ჰაეროვანი. მიღების წესი: მიღებული მასა, დღეში ერთხელ, კარგად წავისვათ მტკივნეულ ადგილზე ისე, რომ კანზე შეშრეს.

  • გაატარეთ ხორცსაკეპში 250 გრამი ოხრახუშის ძირები, 150 გრამი ოხრახუშის ფოთლები, 250 გრამი თაფლი. მიიღეთ თითო ჩაის კოვზი დილით ჭამამდე ერთი საათით ადრე და საღამოს, ჭამიდან ერთი საათის შემდეგ. გაიარეთ მკურნალობის 3-4 კურსი.

  • 3 ლიმონი და 150 გრამი ნიორი ხორცსაკეპ მანქანაში გაატარეთ და 1-1,5 ლიტრი ცივი ანადუღარი წყალი დაასხით. ერთი დღის შემდეგ გაფილტრეთ და ყოველდღე 50 გრამი მიიღეთ.

  • ხელებში მარილების დაგროვების შემთხვევაში ავიღოთ 25 ცალი მწვანე შემოუსვლელი კაკალი, დავჭრათ, დავასხათ 1 ლიტრი არაყი და 3 კილოგრამი შაქარი დავაყაროთ. 10 დღე ვამყოფოთ მზეზე. დავლიოთ დღეში 3-ჯერ სუფრის კოვზით.

მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს:

ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.