ქუსლის დეზი გარეგნულად არ ჩანს. ტკივილი იწყება გასინჯვისას და სიარულის დროს ქუსლის გარკვეულ ადგილას, აქილევსის მყესთან ახლოს. დეზის წარმოშობას იგივე მიზეზი განაპირობებს, რაც პოდაგრის განვითარებას: შარდმჟავას დაგროვება და მისი კრისტალურ ფორმაში გადასვლა, რაც ტკივილს იწვევს. ამიტომ მკურნალობა მიმართულია იქითკენ, რომ მოხდეს მარილების გაწოვა და მისი ორგანიზმიდან გამოყოფა.

სამკურნალოდ მოწოდებულია სხვადასხვა ხალხური საშუალებები:

• კომბოსტოს ფურცელზე დავასხათ ცოტაოდენი საკუთარი შარდი. 1 ჩ/კ თაფლი და მივიდოთ ქუსლზე. შევიხვიოთ. პროცედურა 3-ჯერ ჩავიტაროთ.
  
  
• მომწვანო კარტოფილი გავხეხოთ სახეხზე, გადავიტანოთ ცელოფნის პარკში და ჩავდოთ შიგ ფეხი. ტერფი კარტოფილით უნდა დაიფაროს.
  
  
• ყოველ საღამოს გავითბოთ ხელები და ფეხები მოხარშულ კარტოფილის ნაფცქვენებში (20-25 წთ). შემდეგ გადავივლოთ თბილი წყალი და წავისვათ აბუსალათინის ზეთი. ეს პროცედურა სასარგებლოა ფრჩხილებისთვისაც და ქუსლზე არსებული ნახეთქებისას.
  
  
• 100 გრ კარტოფილის კანს, 2 ს/კ სელის თესლს დავასხათ 400 მლ წყალი და ვადუღოთ ნელ ცეცხლზე 30 წთ. მომზადებულ თბილ მასაში ჩავყოთ ფეხები 15-20 წთ. შემდეგ გადავივლოთ თბილი წყალი და წავისვათ მკვებავი კრემი.
  
  
• კარტოფილი კარგად გავრეცხოთ, გავხეხოთ წვრილ სახეხზე. ეს მასა ბინტით დავამაგროთ ქუსლზე და ზემოდან დავიფაროთ ცელოფანი. 24 სთ-ის შემდეგ დავიდოთ ახალი პორცია. მკურნალობის კურსი - 1 კვირა.
  
  
• 100 გრ ცხენის წაბლი თესლები დავფშვნათ ფხვნილივით, დაუმატოთ 100 გრ ნიორი და 100 მლ დენატურატი. კომპონენტები კარგად აურიოთ ერთმანეთს. მიღებული მასა კომპრესის სახით დავიდოთ მტკივნეულ ადგილზე 20 დღის განმავლობაში.
  
  
• დეზების არსებობისას ფეხსაცმელში ჩავაფინოთ კალანჰოეს ფოთოლი.
  
  
• შალის ნაჭერი ნავთში დავასველოთ და მივიდოთ ქუსლზე, ზემოდან დავიდოთ ძალიან გახურებული სპილენძის ფირფიტა. ასე გავაკეთოთ 3-ჯერ, შემდეგ დავნაყოთ 20 გრ ურცის თესლი, დაუმატოთ 50 მლ ვაშლის ძმარი. ეს მასა გადავიტანოთ ნაჭერზე და დავიდოთ ქუსლზე ზედიზედ 3 ღამე.