E ვიტამინი რეპროდუქციული სისტემის ვიტამინებს მიეკუთვნება და ქალებისთვის ძალიან სასარგებლოა. მის გარეშე არც ერთი გინეკოლოგიური დაავადების მკურნალობა არ ხდება. 

E ვიტამინი კვერცხუჯრედის განვითარებისთვის და თუ ქალი ორსულად არის, მაშინ ნაყოფის განვითარებისთვის. ხალხში ამბობენ, რომ ეს ვიტამინი ქალურობაზე არის პასუხისმგებელი. როცა ორგანიზმი E ვიტამინის ნაკლებობას არ განიცდის, ქალი თავს ჯანმრთელად გრძნობს და ლამაზად გამოიყურება. 



E ვიტამინი ქალებისთვის

ის ნაოჭების წარმოქმნას ხელს უშლის, კანს შიგნიდან კვებავს და ატენიანებს. თუ მას რეგულარულად და საჭირო რაოდენობით გამოიყენებთ, დაბერების პროცესის 5-10 წლით შეფერხებას შეძლებთ. 

E ვიტამინი - შესანიშნავი ანტიოქსიდანტია, რომელიც უჯრედებს დაჟანგვისგან იცავს, ორგანიზმში კიბოს და სიმსივნის გამომწვევ ავთვისებიანი პროცესის განვითარებას აფერხებს. ვიტამინის ნაკლებობის შემთხვევაში უჯრედები ტოქსინების მიმართ უფრო მგრძნობიარე ხდება და იმუნიტეტი უსუსტდებათ. 



ტოკოფეროლი E ვიტამინის მთავარი აქტიური ნივთიერებაა, რომელსაც ორგანიზმიდან ტოქსინები გამოაქვს და კანცეროგენების ჩამოყალიბებას ხელს უშლის. ასევე ის უჯრედების რეგენერაციის პროცესში აქტიურად მონაწილეობს და ჰორმონების მუშაობა ნორმაში მოჰყავს. 

E ვიტამინს შემდეგი პროდუქტები შეიცავს (დაღმავლობით): ხორბლის მარცვლეულის ზეთი, სოიო, მზესუმზირას ზეთი, ნუში, თხილი, მარგარინი, სიმინდი და სელის ზეთი, კაკალი, სიმინდი, ქოქოსი და ზეითუნის ზეთი, წიწიბურა, ხორბალი, ჭვავი, ლობიო, შვრია, ბარდა და სხვა პროდუქტები. 



როგორც ხედავთ, E ვიტამინს პროდუქტები საკმარისი რაოდენობით შეიცავს, მაგრამ ეს პროდუქტები ძირითადად ძალიან ცხიმიანია. სწორედ ამიტომ E ვიტამინის ნაკლებობას განიცდიან ქალები, რომლებიც დიეტაზე არიან. 



ისინი რაციონიდან გამორიცხავენ საკვებს, რომლებიც E ვიტამინს ყველაზე დიდი რაოდენობით შეიცავს და ვერ ხვდებიან, რომ მის გარეშე ნივთიერებათა ცვლის დარეგულირება შეუძლებელია. გამოდის, რომ კარგი გარეგნობის ქონის სურვილით ქალები გახდომას იწყებენ, მაგრამ ამას არასწორად აკეთებენ და შედეგს ვერ აღწევენ. E ვიტამინის ნაკლებობა კანის და თმის მდგომარეობაზე გავლენას ახდენს. ადამიანი თვალსა და ხელს შუა ბერდება. 

E ვიტამინის ნაკლებობის ნიშნები: მშრალი თმა, მშრალი და დანაოჭებული კანი, ოფლიანობა, ლიბიდოს ნაკლებობა, დეპრესია, აპათია. გამოდის E ვიტამინი ადამიანის არა მხოლოდ ფიზიკურ, არამედ ფსიქოლოგიურ მდგომარეობაზეც გავლენას ახდენს.



რა გავაკეთოთ, თუ საკვებიდან ვიტამინს ვერ ვღებულობთ? შეგიძლიათ სინთეტური წარმოშობის E ვიტამინი დალიოთ. მას ორგანიზმი ადვილად ითვისებს და დიდი უპირატესობა აქვს. როგორ მივიღოთ E ვიტამინი? აფთიაქში კაფსულის სახით შეიძინეთ და კურსი დაიწყეთ, შეფუთვაში მითითებული დოზა მიიღეთ. დღიური ნორმა 15 მგ-ის არ უნდა აჭარბებდეს. 



რისი ცოდნა არის მნიშვნელოვანი? E ვიტამინის მიღება D ვიტამინთან და პირიქით არ შეიძლება. რეკომენდებულია E ვიტამინი მიიღოთ A და C ვიტამინთან კომპლექსში. 

ეს ვიტამინები ცხიმს წვავენ, მათგან მაქსიმალური სარგებლის მისაღებად, უმჯობესია ცხიმიან საკვებთან ერთად და დღის პირველ ნახევარში მიიღოთ. სასურველია E ვიტამინის მიღება ანტიობიტიკის მიღებას არ დაამთხვიოთ, არ დააყოლოთ ყავა, წვენი, რძე. ეს სასარგებლო სტატია მეგობრებს გაუზიარეთ.