მაისის ბოლოს პიტნის სეზონის პიკია. მე ვგიჟდები პიტნაზე მისი საოცარი არომატის, გამაგრილებელი გემოს და სასარგებლო თვისებების გამო. ყოველ წელს პიტნისგან მე საოცრად ჰაეროვან, უგემრიელეს მურაბას ვამზადებ, რომელიც დიდი ხნით ინარჩუნებს ამ მცენარის სასარგებლო თვისებებს.



თუ ერთ კოვზს მაინც დააგემოვნებთ აუცილებლად შეიყვარებთ ამ ტკბილეულს. პიტნის მურაბა შეგიძლიათ გადაუსვათ ბლინებზე, ჩაასხათ ჩაიში, გამოიყენოთ მოჰიტოს მომზადებისას და სხვა სასმელებშიც. ასევე მისი დახმარებით შეგიძლიათ გაჟღინთოთ ბისკვიტები, მოასხათ ნაყინს, შეატანოთ ხორციან კერძებს. თუ თქვენ იმ ადამიანების რიგს მიეკუთვნებით ვისაც პიტნა უყვარს, მაშინ მურაბის ეს რეცეპტი სწორედ თქვენთვისაა.

გემრიელი მურაბა

პიტნა უმჯობესია ყვავილობამდე მოიკრიფოს, ამ დროს მისი ფოთოლი მეტად წვნიანია. სანამ მურაბის გაკეთებას შეუდგებოდეთ, ჩახარშეთ წყალში რამოდენიმე ფოთოლი და გაუსინჯეთ გემოს, თუ პიტნის არომატს შეიგრძნობთ ესეიგი შეგიძლიათ დაამზადოთ მურაბა, ხოლო თუკი ვერანაერ არომატს ვერ შეიგრძნობთ და უბრალოდ თივის გემო აქვს ესეთი პიტნა მურაბისთვის არ გამოგადგებათ.


ინგრედიენტები:

• 400 გრამი პიტნის ფოთოლი ღეროსთან ერთად
  
• 400 გრამი შაქარი
  
• 200 მლ წყალი
  
• 2 ლიმონი
  
• 2 ჩაის კოვზი აგარ-აგარი ან მურაბის შესასქელებელი საშუალება
  
• ქლოროფილი (ნატურალური საკვებ დანამატი Е140 )
  

მომზადების წესი:

1. ახალმოკრეფილი პიტნა გარეცხეთ გამდინარე წყალში, დაალაგეთ პირსახოცზე და გააშრეთ.
   
   
2. გამშრალი პიტნა დააქუცმაცეთ დანით, დაუმატეთ წვრილად დაჭრილი ლიმონი, შაქარი და წყალი. გულდასმით გადაურიეთ. შედგით მაცივარში და დათოვეთ მთელი ღამით.
   
   
   
3. გაფილტრეთ პიტნა მარლის 4 ფენის გამოყენებით, კარგად გამოწურეთ წვენი.
   
   
   
4. გადაასხით სიროფი ქვაბში და შემოდგით ცეცხლზე. ადუღეთ 10 წუთი.
   
   
   
5. დაუმატეთ შემასქელებელი საშუალება და ხარშეთ მის სრულ გახსნამდე. გადმოდგით ცეცხლიდან და ჩაასხით 5-6 წვეთი მწვანე საკონდიტრო საღებავი.
   
   
6. გადაასხით მურაბა წინასწარ სტერილიზებულ ქილებში და დაახურეთ თავსახური.
   
   

მწვანე საღებავის გარეშე მურაბას მოყვითალო-მოყავისფრო შეფერილობა ექნება. ამიტომ გირჩევთ დაუმატოთ ქლოროფილი ლამაზი მკვეთრი ფერის მისანიჭებლად და ასევე სასარგებლო ნივთიერებებით გასამდიდრებლად, სხვადასხვა ტოქსინების გამოსადევნად. მისი შეძენა შესაძლებელია აფთიაქებში და ჯანსაღი კვების სხვადასხვა ინტერნეტ მღაზიებში.



თუ მწვანე მურაბას ლამაზ პატარა ქილებში ჩამოასხავთ, შეგიძლიათ ის მეგობრებს და ახლობლებსაც აჩუქოთ.

პიტნის მურაბა ხსნის სტრესს, აძლიერებს იმუნიტეტს, აგარიდებთ მუცლის შებერილობას, ზამთრის ცივ დღეებში პიტნის მურაბა მზიან ზაფხულს მოგაგონებთ.



ნუ დაიზარებთ ამ საოცარი მურაბის შინ მომზადებას. ეს თქვენ დიდ დროს და მოთმინებას არ წაგართმევთ, სანაცვლოდ კი მიიღებთ სასარგებლო ნივთიერებებისა და ვიტამინებს დიდ წყაროს. თქვენი ოჯახის წევრების გაოცებული იქნებიან ამ საოცარი ტკბილეულით. აუცილებლად ჩაინიშნეთ ეს რეცეპტი და გაუზიარეთ მეგობრებსაც.