გასტრიტის სახელწოდების ქვეშ გაერთიანებულია სხვადასხვა წარმოშობის კუჭის დაზიანებები. მათი ცოდნა საჭიროა იმისათვის, რათა თავიდან ავიცილოთ დაავადება.
მაღალი მჟავიანობით მიმდინარე გასტრიტის დროს შემდეგ საშუალებებს იყენებენ:
- აიღეთ ხელბალახას ყლორტი - 1 წილი, არნიკას ყვავილი - 1 წილი, კუნელის ყვავილი - 1 წილი, იის ყვავილი - 1 წილი, ხარისჩლიქას ფოთოლი - 1 წილი, ქრისტესისხლას ბალახი, ფესვი - 1 წილი, შვიტას ბალახი - 1 წილი, ხეჭრელის ქერქი - 1 წილი. 1 ს/კ ნარევს დაასხით 1 ჩ/ჭ მდუღარე წყალი. მიიღეთ 1/3 ჩ/ჭ 3-ჯერ დღეში.
- კომბოსტოს წვენს იყენებენ დაბალი მჟავიანობით მიმდინარე გასტრიტის, კუჭის და თორმეტგოჯა ნაწლავის წყლულოვანი დაავადების, ღვიძლის და ნაღვლის დაავადებების დროს. მიიღეთ 0,5 ჩ/ჭ თბილი წვენი ჭამამდე 30 წუთით ადრე. წვენი შეგიძლიათ შეინახოთ მაცივარში არაუმეტეს ერთი დღე-ღამისა.
- არ მიიღოთ ტომატის წვენი, ხოლო მწვავე და ქრონიკული გასტრიტის დროს - კიტრი.
- ნებისმიერი სახის გასტრიტის დროს დილით, უზმოზე, ჭამამდე ნახევარი საათით ადრე, დალიეთ 20 მლ. ანადუღარი წყალი - ის კუჭის კედლებიდან ჩამორეცხავს ლორწოს. წყალი ნელ-ნელა, პატარა ყლუპებით დალიეთ.
- კულმუხოს ღვინო: ერთ ბოთლ კაგორზე, ან პორტვეინზე აიღეთ 1 ს/კ კულმუხოს ნედლი ფესვი და ხარშეთ 10 წუთის განმავლობაში. შეგიძლიათ დაუმატოთ 1 ს/კ თაფლი. მიიღეთ 2-3 ჯერზე თითო სირჩა, ჭამის შემდეგ.
- ქრონიკული გასტრიტის, წყლულის დროს, ასევე, მსხვილი ნაწლავის ანთების დროს, ყოველდღე, ერთი თვის განმავლობაში, მიირთვით 8 გრ პროპოლისი, უმჯობესია უზმოზე, პროპოლისი დიდხანს უნდა დაღეჭოთ.
- სალათის ფოთლების ნაყენს იყენებენ ქრონიკული გასტრიტის დროს. 1 ს/კ დაქუცმაცებულ ფოთოლს დაასხით 1 ჩ/ჭ მდუღარე წყალი და გააჩერეთ 1 -2 საათის განმავლობაში. გაწურეთ და მიიღეთ 0,5 ჩ/ჭ 2-ჯერ დღეში, ან 1 ჩ/ჭ ძილის წინ.
