განსაკუთრებული ყურადღება უნდა მიაქციოთ ორგანიზმის რესურსების ყოველმხრივ მხარდაჭერას და სტიმულირებას. ამ მხრივ მნიშვნელოვანია კაპილარების ნორმალური (ხარისხიანი) მუშაობა. მთელი ჩვენი ორგანიზმი წარმოუდგენელი ზომის კაპილარების ქსელით არის დაფარული, სწორედ ამ უწვრილეს სისხლძარღვებზეა დამოკიდებული თითოეული ორგანოს და მთლიანად ორგანიზმის მუშაობა. სისხლის ცირკულაციის სისტემაში გასარკვევად, საჭიროა გაეცნოთ არტერიების და ვენების სტრუქტურას, რომლებიც განსხვავდებიან აღნაგობით და ფუნქციით. არტერიას აქვს სქელი და ელასტიკური შიდა საფარი (კედელი), გააჩნია გაწელვის და გაფართოების უნარი. ვენას აქვს უფრო თხელი კედელი და სარქველი. რომელიც საჭიროა იმისთვის, რომ ორგანოდან გულისკენ ასულმა ვენურმა სისხლმა ვეღარ შეძლოს უკან ჩამოსვლა. ვენას აქვს მაქსიმალურად დავიწროების უნარი.



დილით კაპილარები უფრო დავიწროებულია, ვიდრე საღამოს, სისხლის საერთო მოცულობა მათში შემცირებულია. ამით აიხსნება შიდა ტემპერატურის დაწევა დილით და მისი მომატება საღამოს. ქალებში წინა მენსტრუალურ პერიოდში იზრდება გახსნილი კაპილარების რიცხვი, ეს იწვევს ნივთიერაბათა ცვლის და ტემპერატურის მომატებას. სექტემბრიდან დაახლოებით მარტამდე აღინიშნება კაპილარების სპაზმი. ეს იწვევს სეზონურ დაავადებებს (მაგალითად, წყლულოვანი დაავადება შემოდგომასა და გაზაფხულზე). კაპილარების დაავადებები - ყველა პათოლოგიური პროცესის საწყისია. აქედან გამომდინარეობს, რომ დაავადების მკურნალობა უნდა დაიწყოთ კაპილარების მკურნალობით. თუ გაზრდით სუნთქვის მოცულობას, ანუ თავის ტვინთან, ყველა ორგანოსთან მისულ ჟანგბადის რაოდენობას, გააფართოებთ კაპილარებს რეჟიმით და არა წამლებით, არ დარჩება დაავადება, რომლის დამარცხებას ვერ შეძლებთ. კაპილარებისთვის აუცილებელია აქტიური რეჟიმი.