- რუტინი (P ვიტამინი) განსაკუთრებით C ვიტამინთან ერთად აღადგენს სისხლძარღვთა ელასტიურობას, ამცირებს კაპილარების სიმყიფეს. ბევრია ის ასკილში, ციტრუსებში, შავ მოცხარში, ცირცელში, მწვანე ჩაიში, ლუდსა და ღვინოში.
- ჩვენს გულს აუცილებლად სჭირდება ვიტამინი B6 და იოდი, რომელიც ამაღლებს ჰორმონალური ფარისებრი ჯირკვლების სინთეზს და ამით ხელს უწყობს ლიპიდების გადამუშავების პროცესებს. ამ მიზნით რეკომენდებულია დიეტაში ზღვის პროდუქტების ჩართვა: ლამინარიისაგან, კალმარებისა და მიდიებისგან მომზადებული კერძები.
- C ვიტამინი მონაწილეობს სასიცოცხლოდ აუცილებელ ნივთიერებათა გამომუშავებაში, სწორედ ის არის პასუხისმგებელი იმაზე, რომ ჩვენი ორგანიზმი ეწინააღმდეგება ავადმყოფობას, ხელს უწყობს სისხლის რკინით უკეთ მომარაგებას. გარდა ამისა C ვიტამინი ხელს უწყობს სისხლში კარგი ქოლესტერინის მატებას. C ვიტამინი ბევრია ციტრუსებში, ასკილში, ბულგარულ წიწაკაში, ქაცვში, პომიდორიში, მწვანილში.
- E ვიტამინი არის ძალზე კარგი ანტითრომბინი; იგი ანელებს სისხლის შედედების უნარს, ხელს უწყობს ვენებისა და არტერიების გაწმენდას შესქელებული სისხლისგან, ამაგრებს კაპილარებს. საკმარისი რაოდენობის E ვიტამინის მისაღებად საჭიროა დღეში 1-2 სუფრის კოვზი მცენარეული ზეთის მიღება.
რა უნდა იცოდეს გულით ავადმყოფმა
- ჭამეთ ნაკლები მარილი. ზედმეტი მარილი იწვევს ჰიპერტონიას, რომელიც ათეროსკლეროზთან ერთად ძალზე საშიშია. გახსოვდეთ, რომ დღეში მისაღები მარილის მაქსიმალური რაოდენობა არის ერთი ჩაის კოვზი (კოვზზე თითის გადასმის შემდეგ რაც დარჩება).
- თუ შეშუპებისკენ მიდრეკილება გაქვთ, დღეში 1-1,2 ლიტრზე მეტ სითხეს ნუ მიიღებთ წვნიანებისა და კომპოტი-კისელების ჩათვლით.
- შეზღუდეთ შაქრის მოხმარება.
- უარი თქვით ცხიმიან საჭმელებზე. საჭმელში იხმარეთ ზეთები. მაიონეზი შეცვალეთ უცხიმო (ან ნაკლებცხიმიანი) არაჟნით. მხოლოდ ისიც ბევრი არ არის სასურველი.
- დაივიწყეთ ცხარე საჭმელები, შემწვარ-მოხრაკულები და შებოლილი პროდუქტები.
- უპირატესობა მიანიჭეთ ფაფებს, მოხარშულ, ორთქლში, ფოლგაში ჩაშუშულ საჭმელებს.
- თუ ზედმეტი წონა გაქვთ, პურს ნუ მიეძალებით - დღეში 2-3 ნაჭერზე მეტს ნუ მიიღებთ.
- საჭმელი უნდა იყოს მსუბუქი; კვების რეჟიმი - დანაწევრებული: დღეში 5-6-ჯერ.
- რაფინირებული და გაწმენდილი პროდუქტები უნდა შეიცვალოს არარაფინირებულით. რაფინირებული შაქარი შეცვალეთ თაფლით, თეთრი ფქვილი - დაღერღილით, თეთრი პური - შავით. ბრინჯი შეიძლება მხოლოდ გახეხილი.
- გაზარდეთ უჯრედისა და რთული ნახშირწყლების გამოყენება. სასურველია 5-დან 7 სახეობამდე ხილისა და ბოსტნეულის მოხმარება.
- თუ სუსტი გულის კუნთი გაქვთ და არითმიაც გაწუხებთ, რაც შეიძლება ხშირად ღეჭეთ ლიმონის ქერქი. იგი ძალზე მდიდარია ეთერზეთებით და კარგად მოქმედებს სისხლძარღვებზე.
მეცნიერული ფაქტი
თევზის დღე კვირაში ორჯერ გულ-სისხლძარღვთა დაავადებათა რისკს 50 %-ით ამცირებს.
