დღევანდელ სტატიაში "რჩევების" რედაქცია გთავაზობთ ძალზედ მარტივ ვარჯიშებს ხერხემლისთვის, რომელთაც ტკივილგამაყუჩებელი ეფექტი აქვს. მარტივი ტექნიკა, რომელსაც ახლა გაგაცნობთ, არა უბრალოდ მოგიხსნით ტკივილს, არამედ აღმოფხვრის მის გამომწვევ მიზეზსაც.
როგორ ვებრძოლოთ ტკივილს
- ბავშვის პოზა
გამოიყენება წელისა და მენჯ-ბარძაყის სახსრის ტკივილის დროს, განაპირობებს ნერვული სისტემის მოდუნებას.
დადექით ოთხზე, მკერდი მიაბჯინეთ მუხლებს, ხელები გაწიეთ წით და გაიჭიმეთ. შუბლით უნდა ეხებოდეთ იატაკს და ვარჯიშის შესრულებისას სუნთქავდეთ ღრმად და თანაბრად. შეიკავეთ თავი ამ პოზაში დაახლოებით 1 წუთით და თავად შეიგრძნობთ, თუ როგორ დუნდება მთელი სხეული და მცირდება ტკივილი.
- პოზა №2
ხსნის თავის ტკივილს, დაძაბულობას მხრებისა და კისრის არეში. რეკომენდებულია იმ ადამიანებისთვის, რომელთაც თავბრუსხვევა აწუხებთ.
დაწექით ზურგზე, ფეხები აწიეთ ზემოთ და მიაყრდნეთ კედელს, ხელები დაიდეთ მუცელზე, დახუჭეთ თვალები, მაქსიმალურად მოდუნდით და ისუნთქეთ ღრმად. ვარჯიშის ხანგრძლივობა - 5 წუთი.
- კატის პოზა
გამოიყენება წელისა და კუნთების ტკივილის დროს, ხსნის ნერვულ დაძაბულობას და გვეხმარება მოდუნებაში.
დადექით ოთხზე, გაშალეთ ხელები მხრების სიგანეზე და დაეყრდნეთ იატაკს. ხერხემალი აუცილებლად უნდა დაიჭიროთ სწორად, იატაკის პარალელურად, ხოლო კისერი - გამოწიოთ წინ. ისუნთქეთ ღრმად და თანაბრად. ჩასუნთქვისას ჩაწიეთ წელი დაბლა, იატაკის მიმართულებით, ხოლო თავი - აწიეთ მაღლა. ამოსუნთქვისას შეასრულეთ საპირისპირო მოქმედება - წელი ამოწიეთ მაღლა, ხოლო თავი დაბლა დახარეთ. საერთო ჯამში თქვენ უნდა შეასრულოთ 10 გამეორება.
- ვარჯიში №4
მოცემული ვარჯიში არაჩვეულებრივია მუცლის ტკივილის დროს და საჭმლის მონელებასთან დაკავშირებული პრობლემების გადასაჭრელად.
დაჯექით იატაკზე, ფეხები გაშალეთ სწორად, მოუხრელად, ხოლო წლი დაიჭიეთ თანაბრად, კედლის პარალელურად. მოხარეთ მარცხენა ფეხი მუხლში და გადააჯვარედინეთ მარჯვენა ფეხზე. ამ პოზაში წელით მაქსიმალურად შემობრუნდით მარცხნივ, მარჯვენა ხელით კი დაეყრდენით იატაკს, რათა არ დაკარგოთ ბალანსი. როდესაც წელს მაქსიმალურად შემოაბრუნეთ, შეიკავეთ თავი ამ მდგომარეობაში 30 წამით, შემდეგ კი დაუბრუნდით საწყის მდგომარეობას. გაიმეორეთ იგივე ვარჯიში საპირისპირო მხრისთვისაც.
- პეპლის პოზა
ეფექტურია მენჯ-ბარძაყის სახსრის, ქვედა კიდურებისა და მუხლების ტკივილის მოსახსნელად.
დაჯექით იატაკზე, წელი დაიჭირეთ მაქსიმალურად სწორად. ორივე ფეხის გულები მიადეთ ერთმანეთს და მაქსიმალურად შეეცადეთ, რომ მუხლები გვერდულად იატაკს შეახოთ. შეიკავეთ თავი ამ მდგომარეობაში 2 წუთით და ისუნთქეთ მაქსიმალურად ღრმად. მეტი თვალსაჩინოებისთვის, დააკვირდით ქვემოთ წარმოდგენილ ფოტოს.
- ყვავილი
თუ წელის ტკივილმა შეგაწუხათ, მიმართეთ ყვავილის პოზას დახმარებისთვის. დისკომოფრტის შეგრძნება რამდენიმე წუთში აღარ შეგაწუხებთ.
დაწექით ზურგზე და მიიღეთ ასო-ბგერა "T"-ს პოზა, ანუ ხელები გაშალეთ გვერდებზე. მოხარეთ მუხლები და შეეცადეთ, აიტანოთ მკერდთან. როდესაც მუხლებში მოხრილ ფეხებს მაქსიმალურად წამოწევთ, გადაიხარეთ ისინი მარცხენა მხარეს და შეეცადეთ, შეეხოთ იატაკს. შეიკავეთ თავი ამ მდგომარეობაში 2 წუთით და დაუბრუნდით საწყის მდგომარეობას. შეასრულეთ ეს მოძრაობა მეორე გვერდისთვისაც. მოცემული ვარჯიშის შესრულებისას, მაქსიმალურად უნდაა შეეცადოთ, რომ წელი იატაკს არ მოაშოროთ.
- ვარჯიში №7
არაჩვეულებრივია წელის, კუჭისა და თირკმელების ტკივილის დროს.
დაწექით ზურგზე, ხელის გულებით შეეხეთ იატაკს, ხოლო ფეხები კარგად მოხარეთ მუხლებში და ქუსლებით ძლიერად დაეყრდნეთ იატაკს. როდესაც ამ პოზას მიიღებთ, ამოწიეთ წელი მაღლა, შეიკავეთ თავი ამ მდგომარეობაში სულ რამდენიმე წამით და დაუბრუნდით საწყის მდგომარეობას. საერთო ჯამში უნდა შეასრულოთ 10 გამეორება.
- წინ მოძრაობა
ხსნის დისკომფორტის შეგრძნებას მენსტრუაციის დროს და ამსუბუქებს სახსრების ტკივილს.
დაჯექით იატაკზე, მარჯვენა ფეხი გაშალეთ წინ და დაიჭირეთ სწორად, ხოლო გვერდულად მუხლში მოხრილი მარცხენა ფეხის გულის შეეხეთ მარჯვენა ფეხის ბარძაყის შიდა მყარეს. როდესაც ამ პოზას დაიჭერთ, წელით მაქსიმალურად გადაიხარეთ წინ და შეიკავეთ თავი გადახრილ მდგომარეობაში 30 წამით. დაუბრუნდით საწყის მდგომარეობას და გაიმეორეთ იგივე ვარჯიში მეორე ფეხისთვისაც.
- სრული მოდუნება
ხსნის ქვედა კიდურების ტკივილს. რეკომენდებულია მოცემული ვარჯიშის შესრულება მაღალქუსლიანი ფეხსაცმლის ტარების შემდეგ.
დადექით სწორად და გადააჯვარედინეთ ფეხები ერთმანეთზე. ნელ-ნელა, აუჩქარებლად დაიხარეთ და შეახეთ ხელები იატაკს. მარცხენა მუხლი შეგიძლიათ მოხაროთ, თუმცა მარჯვენა ფეხი ვარჯშის შესრულებისას აუცილებლად უნდა გეჭიროთ სწორად. როდესაც ამ პოზაში წინ გადაიხრებით და იატაკს ხელებით შეეხებით, შეიკავეთ თავი 30 წამით და დაუბრუნდით საწყის მდგომარეობას. გაიმეორეთ იგივე ვარჯიში მეორე ფეხისთვისაც.
შეასრულეთ ეს უმარტივესი ვარჯიშები რეგულარულად და თქვენთვის ტკივილისა და დისკომფორტის შეგრძნება სრულიად უცხო გახდება. გახსოვდეთ, თქვენი ორგანიზმი დამჯერი მექანიზმია, რომელიც მუდმივად ზრუნვასა და მოვლას საჭიროებს. დაუთმეთ საკუთარ თავს დღეში სულ რამდენიმე წუთი, რათა შეინარჩუნოთ ახალგაზრდობა და სრულფასოვანი ცხოვრება ღრმა სიბერემდე. აუცილებლად გაუზიარეთ სტატია მეგობრებს, რათა მათაც იცოდნენ ამ მარტივი და ძალიან ეფექტური ვარჯიშების შესახებ. გისურვებთ ჯანმრთელობას!
