სამკურნალოდ გამოიყენება ყვავილები და ფოთლები. ყვავილებს კრეფენ ყვავილობის დასაწყისში, როდესაც ყვავილი ჯერ კიდევ მთლიანად არაა გაშლილი. კრეფენ ხელით, მთელ ყვავილებს ჯამთან ერთად, ყვავილსაჯდომის გარეშე. ფოთლებსაც ამავე დროს აგროვებენ ყუნწების გარეშე.
ბალბას ყვავილის და ფოთლის ნაყენს აქვს დამამშვიდებელი და ანთების საწინააღმდეგო მოქმედება ბრონქიტის, ზედა სასუნთქი გზების კატარის, ხმის დაკარგვის, ნუშისებრი ჯირკვლების ანთების დროს.
ნაყენი შემდეგნაირად მზადდება:
ფოთლის ნაყენი: 2 ჩ/კ დაქუცმაცებულ ფოთოლს დაასხით 1 ჩ/ჭ ცივი წყალი. 3-5 საათის შემდეგ შეგიძლიათ მიიღოთ.
ყვავილის ნაყენი: მწიკვ ყვავილს დაასხით 1 ჩ/ჭ ცხელი წყალი. 10 წთ-ის შემდეგ ნაყენი მზადაა. გაანაწილეთ რამდენიმე მიღებაზე.
გარეგანად ნაყენი გამოიყენება ყელში გამოსავლებად. საფენების სახით პირის ღრუში ჩირქოვანი ანთებების, ასევე ფურუნკულების, მარგულის და მისთანანის დროს. საფენებს იდებენ ანთებულ თვალებზე და ქუთუთოებზე.
საფენების მოსამზადებლად ბალახის ორმაგი დოზა უნდა აიღოთ. ბალბის ჩაი რეკომენდებულია კუჭ-ნაწლავის, ღვიძლის, შარდის ბუშტის ანთების და ტკივილის დროს.
