ნებისმიერი თავმოყვარე იტალიელი პასტას სახლში აკეთებს. მაშინაც კი, თუ ჯერ კიდევ არ ყოფილხართ ლეონარდო და ვინჩის სამშობლოში, თქვენ ნამდვილი იტალიური პასტის მომზადებას საკუთარ სამზარეულოში წლის ნებისმიერ დროს ადვილად შეძლებთ. 

ეს არაა ცხიმიანი და მძიმე კერძი. რეცეპტში ახალი, ჯანსაღი ინგრედიენტებია გამოყენებული. ბაზილიკის და ნივრის კომბინაცია ველურ მადას იწვევს!

პასტა ყველით

ინგრედიენტები

• 15-20 პომიდორი ჩერი
  
• 1 წიწაკა ჩილი
  
• 300 გრ სპაგეტი
  
• 4 ს/კ ზეითუნის ზეთი
  
• 30 გრ მყარი ყველი
  
• 3 კბილი ნიორი
  
• 1 თავი ხახვი
  
• 1 კონა ბაზილიკა
  
• ​400 მლ წყალი
  
• მარილი გემოვნებით
  

მომზადება

1. პომიდორი ჩერი გარეცხეთ და თითოეული შუაზე გაჭერით. გასუფთავებული ნიორი თხლად დაჭერით. წიწაკა რგოლებად დაჭერით. 
   
   
   
   
2. ხახვი ჯერ შუაზე გაჭერით და შემდეგ ნახევარ რგოლებად. 
   
   
   
   
3. ფართო ქვაბი აიღეთ, სადაც მაკარონი თავისუფლად მოთავსდება. ქვაბში სპაგეტი მოათავსეთ. 
   
   
   
   
4. დაუმატეთ ხახვი, ნიორი, ცხარე წიწაკა და ჩერი. ეს ყველაფერი ​სპაგეტს ზემოდან არ დააყაროთ, არამედ გვერდზე მოუწყვეთ. 
   
   
   
   
5. ბაზილიკი გარეცხეთ და ხელით გადატეხეთ. უმეტესი ნაწილი ქვაბში მოათავსეთ. რამდენიმე ფოთოლი შეინახეთ, კიდევ დაგჭირდებათ. 
   
   
   
   
6. დაუმატეთ ზეითუნის ზეთი, მარილი და პილპილი გემოვნებით მოაყარეთ.
   
   
   
   
7. ქვაბში ცივი წყალი ჩაასხით. 
   
   
   
   
8. გაზი ჩართეთ და ადუღებამდე მიიყვანეთ. გაჩერდით 10 წუთით, სანამ ყველა ინგრედიენტები ერთმანეთს შეერევა. 
   
   
   
   
9. ყველი სახეხით პირდაპირ ქვაბში ჩაახეხეთ. დაუმატეთ დარჩენილი ბაზილიკა და კიდევ რამდენიმე მწიკვი მარილი და პილპილი. რამდენიმე წუთის შემდეგ პასტა პომიდვრით სუფრაზე გასატანად მზად იქნება. 
   
   

რედაქციის რჩევა
​გაგაოცათ, რომ რეცეპტში მაკარონს ცივ წყალს ასხამენ? ყველაფერი სწორად არის. საქმე იმაშია, რომ მცირე რაოდენობის წყალში მომზადებულ მაკარონს დიდი უპირატესობა აქვს: მცირე რაოდენობით წყალში სპაგეტი სწრაფად იხარშება და ალ დენტე რჩება. გარდა ამისა, მაკარონი წყალში სახამებელს გამოყოფს, ამიტომ თქვენი პასტა სიტყვასიტყვით რბილ სოუსში იცურავებს. 

ამ მეთოდის წყალობით მაკარონი ზუსტად 4 წუთში მზადდება. ასეთი რეცეპტი გარანტიას გაძლევთ, რომ პასტა წებოვანი ან უმი არ იქნება. 

15 წუთის შემდეგ თქვენ გექნებათ მზა პასტა საუკეთესო სოუსთან ერთად ერთ ქვაბში. ნამდვილი იტალიური ვახშამი ნახევარ საათზე ნაკლებ დროში! თუ თქვენ პასტის სახლის პირობებში მომზადების საიდუმლოს ფლობთ, გაგვიზიარეთ კომენტარებში და უამბეთ მეგობრებს.