ჯანმრთელ ადამიანს ნაწლავების მოქმედება ყოველდღიურად, დღეში ერთხელ ან ორჯერ აქვს. ნაწლავების განთავისუფლების აქტი იოლი უნდა იყოს და არ მოითხოვდეს ძლიერ გაჭინთვას, მის მერე კი ადამიანს სწორი ნაწლავის სრული დაცლის და კმაყოფილების გრძნობა უნდა ჰქონდეს.
ყაბზობას სხადასხვა მიზეზი და მექანიზმი აქვს, იგი ხშირად თან ერთვის კუჭისა და თორმეტგოჯა ნაწლავის წყლულოვან დაავადებას, კოლიტს, აპენდიციტს, ნაღველ-კენჭოვან დაავადებას, საშარდე გზების კენჭოვან და ანთებით დაავადებას, ქალის სასქესო ორგანოების და დანამატების ანთებას, ქრონიკულ პერიტონიტს, კლიმაქსს, სიმსუქნეს. იშვიათად მისი მიზეზია ნაწლავთა შეხორცებები, გადაგრეხა, სიმსივნე.

• ყაბზობის (შეკრულობის) დროს სასურველ შედეგს იძლევა შავი ქლიავის ან შვრიის ნახარში და ბოლოკის წვენი, მჟავე კომბოსტოს თბილი წვენი ან ალუბლის კურკების ნახარში დღეში 3-4-ჯერ.
  
  
• ეფექტურია აგრეთვე კიტრის მწნილის წვენი დღეში 2-3 ჭიქის ოდენობით. სასურველი წვენის მისაღებად კიტრი მარილიან წყალში ერთი თვე მაინც უნდა იმყოფებოდეს.
  
  
• კარგია ჭარხლისა და სტაფილოს მიღება როგორც ნატურალური, ასევე წონის სახით. სასარგებლოა კამის ნახარშიც.
  
  
• ვისაც აწუხებს ქრონიკული ყაბზობა ( შეკრულობა), საკვებს უნდა დაამატოს მცენარეული ზეთი, რომელიც აუმჯობესებს ნაწლავთა პერისტალტიკას.
  
  
• მუცელში შეკვრას იშვიათად იგრძნობთ, ცაცხვის ჩაის თუ მიეჩვევით და მიიღებთ ჩვეულებრივი ჩაისა და ყავის მაგიერ.
  
  
• სტაფილოს წვენი მიიღეთ ღვინის ჭიქით დღეში 3-ჯერ.
  
  
• ერთი ჩ/ჭ ზეითუნის ან მზესუმზირის ზეთი აადუღეთ, გააცივეთ და დაუმატეთ ნახევარი ჭიქა ანადუღარი გაცივებული წყალი. მიიღეთ უზმოზე.
  
  
• ოთხი - ხუთი ძირი მრავალძარღვა 10-15 წთ ადუღეთ 2 ლ წყალში. მიიღეთ დღეში 3-ჯერ არყის ჭიქით. შეგიძლიათ დაატკბოთ.