საბრი, ანუ ალოე ცხელი ქვეყნების მრავალწლოვანი მცენარეა. ფოთლები ხმლებისებრი, წვნიანი აქვს, ძლიერ მწარე გემოსი, იგროვებს წყლის მარაგს და გვალვების დროს ხარჯავს. საქართველოში არის საბრის სამრეწველო პლანტაციები. ოთახის კულტურად განსაკუთრებით ხშირად ზრდიან ქოთნებში ე.წ. ხისმაგვარ ალოეს.
მედიცინაში იყენებენ საბრის ფოთოლს ან მისგან გამოწურულ წვენს, როგორც ჯანის მომგვრელ და ნაზად მოქმედ სასაქმებელ საშუალებას, გასტრიტის, ენტეროკოლიტის, ყაბზობის სამკურნალოდ. ქარხნული წესით მომზადებულ პრეპარატს, ექიმ-სპეციალისტის დანიშნულებით, იყენებენ თვალის დაავადებების ( ახლომხედველობის ), ჭრილობების, კანის ანთებითი დაავადებების დროს. ხოლო ალოეს რკინით აძლევენ ავადმყოფს სისხლნაკლებობისას.



ოჯახში საბრისგან წამლის მომზადება რამდენიმე წესით შეიძლება:

1. ოთახში, ქოთანში მცენარეს შემოაცალეთ ძველი (ქვედა) ფოთლები, გარეცხეთ, გააძვრეთ კანი, გაატარეთ საკეპ მანქანაში და გამოწურეთ წვენი. ყოველ 100 გ დაუმატეთ ამდენივე უცეცხლო და შავი ღვინო, შეურიეთ კარგად და დადგით სიბნელეში 6-8 დღე. შემდეგ გაწურეთ და სვით სუფრის კოვზით დღეში 3-4-ჯერ.
   
   
2. საბრის ფოთლები გარეცხეთ და წვენი გამოწურეთ, ერთ ჭიქას შეურიეთ ამავე რაოდენობის თაფლი, კაკაო, კარაქი და მიიღეთ სუფრის კოვზით დღეში 3-ჯერ.
   
   
3. ფოთლები მოხარშეთ, გააცივეთ, გაწურეთ და სვით დღეში 3-ჯერ ნახევარი ღვინის ჭიქა.