ცისტიტი შარდის ბუშტის კედლის ინფექციურ-ანთებითი პროცესია. ცისტიტის ძირითადი ნიშნებია: ხშირი და მტკივნეული შარდვა, გარდა ამისა, შარდი მუქია (იმის შედეგად, რომ მასში მკვეთრად გაზრდილია ლეიკოციტების რაოდენობა).

თუ ცისტიტი გაწუხებთ:

• სიმინდის ულვაშის ან ალუბლის ღეროს ნახარში მიიღეთ როგორც ჩაი. გემოვნებისათვის ნაყენს შეგიძლიათ თაფლი დაუმატოთ. მკურნალობა რამდენიმე დღეს გრძელდება.
  
  
• 200 გრ ნიახურის ძირები ჩაყარეთ 1 ლ წყალში და ადუღეთ 2-3 წთ. გააცივეთ, გადაწურეთ და მიღებული ნაყენი დალიეთ სასურველ შედეგამდე დღეში სამჯერ.
  
  
• ერთ ჩ/კ დაქუცმაცებულ სვიის ნაყოფს დაასხით 1 ჩ/ჭ ადუღებული წყალი, გააცივეთ, გადაწურეთ და დალიეთ საღამოობით. ნაყენი კარგად შველის თავის ტკივილსაც.
  
  
• ორ-სამ ჩ/კ წვრილად დაჭრილ ნედლ მატიტელას დაასხით 2 ჩ/ჭ მდუღარე წყალი და გააცივეთ. სვით მიღებული ნაყენი გამოჯანმრთელებამდე. წამლის მიღება მიზანშეწონილია შარდის ბუშტში ქვიშისა და კენჭების არსებობის შემთხვევაშიც. ასევე მკურნალობენ ბუასილს.
  
  
• აიღეთ მინდვრის შვიტა 15 გრ, მრავალძარღვას ფოთლები - 20 გრ. 1 ს/კ ნარევზე დაასხით 2 ჭიქა მდუღარე წყალი. დააყოვნეთ შეფუთულად 1 სთ, გადაწურეთ. დალიეთ საღამოს ერთ მიღებაზე 1 ჭიქა თბილი ნაყენი.
  
  
• შარდის ბუშტის გაღიზიანებისა და ხშირი შარდვის შემთხვევაში დილით უზმოზე დალიეთ სიმინდის ულვაშის ცხელი ნაყენი რამდენიმე დღის განმავლობაში.
  
  
• საკვერცხეების ანთების დროს აიღეთ 200 გრ კარგად გარეცხილი ოხრახუში ფესვებითურთ, დაასხით 1 ჩაიდანი წყალი და ხარშეთ. ნახარში ჩაასხით ვედროში, რომელსაც ზემოდან დააჯდებით. ორთქლზე 15 წთ იჯექით.