ასფურცელა ივლის - სეტემბერში ყვავილობს, თესლი კი აგვისტო - სექტემბერში მწიფდება. ასფურცელა გავრცელებულია ტყეებში, ტყის პირზე, ბუჩქნარებში, ქვიშიან კარიერებში, ნაგვიან ადგილებზე და საქართველოს მთელ ტერიტორიაზე გვხვდება.
სამკურნალო პრეპარატების დასამზადებელ ნედლეულად იყენებენ ასფურცელას ყვავილებს. ეს ყვავილები შეიცავენ ფლავონოიდებს, ეთერზეთებს, ალკალოიდებს, მთრიმლავ და მწარე ნივთიერებებს.
ასფურცელას პრეპარატები გამოიყენება ღვიძლის, ნაღვლის სადინარების, კუჭისა და თორმეტგოჯა ნაწლავის წყლულოვანი დაავადებების და ჰელმინთოზების სამკურნალოდ.
უნდა გვახსოვდეს, რომ ასფურცელა შხამიანი მცენარეა და მისი ნაყენის დიდი დოზებით ან ხანგრძლივად ხმარება ფაღარათსა და ღებინებას იწვევს, ამიტომ მისი გამოყენება სიფრთხილეს მოითხოვს. ასფურცელა აგრეთვე აფრთხობს მწერებს.
ასფურცელას შემდეგნაირად იყენებენ:
1 ს/კ მცენარის ყვავილებს დავასხათ 1 ჭიქა მდუღარე წყალი, შევფუთოთ და 1 საათით დავაყენოთ. შემდეგ გავფილტროთ. მივიღოთ 5-6 ს/კ დღის განმავლობაში.
