სამკურნალოდ გამოიყენება ყვავილი (ყვავილის ქვევით 7-10 სმ-ზე იჭრება), აგროვებენ ყვავილობის პერიოდში, აღმავალი მთვარის ფაზაში.
შეიცავს ეთერზეთებს, ჰიპერატინს, ასკორბინის და ნიკოტინის მჟავებს, P და PP1 ვიტამინებს, კაროტინს და სხვა ნივთიერებებს.
ტრადიციულ მედიცინაში იყენებენ ნაღვლისა და შარდის ბუშტის დაავადებების, წვრილი და მსხვილი ნაწლავების სპაზმის, კანის დაზიანების, დამწვრობის, წყლულების და ფაღარათის დროს.
- 20 გრ ცოცხალ ყვავილებს დავასხათ 200 მლ ზეითუნის ზეთი და ვაჩერებთ 40 დღე.
მიღება: 1-2 ჩაის კოვზი ჭამამდე 30 წთ-ით ადრე 2-3-ჯერ დღეში.
გამოიყენება წყლულოვანი დაავადებებისა და სტომატიტის, პაროდონტოზის, ფარინგიტის დროს, ასევე სანაღვლე გზებისა და თირკმელ-კენჭოვანი დაავადებების დროს, როგორც ტკივილგამაყუჩებელი და ლორწომდენი საშუალება. - 1/2 ჭიქა კრაზანას ცოცხალი ყვავილები ფოთლებითურთ დავაყენოთ 1 ჭიქა ნუშის, მზესუმზირის, ზეითუნის ან სელის ზეთზე. 3 კვირის განმავლობაში. შემდეგ გავწუროთ და შევინახოთ გრილ ადგილას.
კრაზანას ზეთი გამოიყენება დამწვრობების (რადიკალური საშუალებაა) დროს, მაშინაც კი როცა სხეულის 2/3-ია დამწვარი. დაზიანებულ ადგილებზე კეთდება ზეთოვანი კომპრესები, დიდი ხნის მანძილზე შეუხორცებელი ჭრილობების, წყლულების, ნაპრალების, ანთების დროს, პირის ღრუს ლორწოვანი გარსის გაფაშრების დროს; ამუშავებენ ძაღლისა და კატის კბენისას მიყენებულ ჭრილობებს. კარგია გაცივების დროს ტუჩებზე გამონაყარის დასამუშავებლად.
