"რჩევების" რედაქცია გიამბობთ ექიმი კოვალკოვის დიეტის შესახებ, რომლით დაკლებაც ერთი დიდი სიამოვნებაა.
კოვალკოვის დიეტა
დღეს მეცნიერი დოქტორი ალექსი კოვალკოვი - მოსკოვში ერთ-ერთი ყველაზე მოთხოვნადი დიეტოლოგია. თუმცა ჯერ კიდევ 10 წლის წინ ზედმეტი წონისგან თავად იტანჯებოდა და მის მოშორებას ცდილობდა. სწორედ ამან აიძულა მას გახდომის საკითხით დაინტერესება და კვების სპეციალური სისტემის შექმნა. ასე შექმნა მან ჯანმრთელობის თვალსაზრისით ყველაზე უსაფრთხო დიეტა. მოგვიანებით მან დაარსა კლინიკა, სადაც უკვე 6 ათასამდე ადამიანმა წარმატებულად დაიკლო.
ფორუმებზე მიმოხილვების სიმრავლის და უშრეტი ინტერესის მიხედვით თუ ვიმსჯელებთ, კოვალკოვის მეთოდი ნამდვილად მოქმედებს. მოდით გავერკვეთ, რაში მდგომარეობს არსი.
პირველ რიგში, მეთოდის ფსიქოლოგიურ ასპექტზე საუბარი ღირს. ექიმი კატეგორიული წინააღმდეგია მონოდიეტის, მკაცრი დიეტის და საკვების სწრაფად შეზღუდვის. ის თვლის, რომ ნებისმიერი პერიოდული დიეტა, ხოლო ამ პერიოდის შემდეგ გადაძღომა შეუქცევად ფსიქოლოგიურ რღვევას იწვევს.
ექიმი ამბობს: "ნებისმიერი აკრძალვა ადრე თუ გვიან უპასუხისმგებლო სურვილით უკან ბრუნდება". გახდომაში ხელს ყველაზე მეტად სწორედ ეს გვიშლის. გახდომის ნებისმიერმა პროცესმა სტრესი არ უნდა მოგაყენოთ არც თქვენ და არც თქვენს ორგანიზმს. ყველაფერი ზომიერად უნდა იყოს, თანდათანობით და გააზრებული.
სასურველ წონას რომ მივაღწიოთ და შემდეგ შევინარჩუნოთ, პირველ რიგში ზედმეტი წონის მიზეზი უნდა გავარკვიოთ, შევქმნათ მიზანი ხანგრძლივ პერსპექტივაში, შემდეგი კი ყველაზე მთავარი გავიაზროთ და ავიღოთ პასუხისმგებლობა საკუთარი წონის მდგომარეობაზე. დიეტების უმეტესობა და სხვა თანამედროვე მეთოდი ვარაუდობს, რომ თქვენ სწორ ფიგურაზე ვიღაც სხვა იზრუნებს. კოვალკოვის დიეტა პასუხისმგებლობას მხოლოდ გახდომის მსურველს ანიჭებს. თუ ასეთ მიდგომას მიიღებთ, შედეგი დიდხანს არ დააყოვნებს.
დიეტას ბევრი უპირატესობა აქვს: კალორიების ფანატურად დათვლა, შიმშილი და უეცარი ცვლილებით ორგანიზმის ტრავმირება საჭირო არაა. ავტორმა თავისი მეთოდი რამდენიმე სტადიად დაყო. მოდით გავერკვეთ კოვალკოვის დიეტის ეტაპებში.
1. მოსამზადებელი ეტაპი
კვების რაციონის ცვლილება - ორგანიზმისთვის სტრესია. სახიფათო შედეგები თავიდან რომ ავიცილოთ, მოსამზადებელ ეტაპს ყურადღებით უნდა მიუდგეთ. ყოველდღიურ მენიუში პორციები ნელ-ნელა შეამცირეთ. ნაბიჯ-ნაბიჯ ამოიღეთ მავნე ჩვევები. მოსამზადებელი ეტაპის დროს ორგანიზმი ამოსუნთქვას გრძნობს.
შემდეგ მოსამზადებელი ეტაპის მეორე ფაზა იწყება. ეს ყველაზე რთული პერიოდია, მაგრამ სწორედ ის ეხმარება ორგანიზმს გადაწყობაში, ახალ რითმში შესვლასა და ნივთიერებათა ცვლის პროცესის დარეგულირებაში. ამ ეტაპის ხანგრძლივობა დაახლოებით 14 დღეა. ამ დროის განმავლობაში კუჭ-ნაწლავის ტრაქტი იწმინდება.
რეჟიმი დღეში საკვების 6-ჯერ მიღებას გულისხმობს. დილით უმჯობესია 200 მლ კეფირი დალიოთ და მუჭა კაკალი მიირთვათ. ჩვეული სადილი ამ ეტაპზე არ გექნებათ, ის ორი წახემსებით ჩანაცვლდება: პირველი - 1 ვაშლი, მეორე - გრეიფრუტის ნახევარი. შემდეგ კვლავ 1 ვაშლი, შემდეგ კი გრეიფრუტის მეორე ნახევარი. სადილზე შეგიძლიათ 250 გრ ბოსტნეულის სალათი და ყველის ნაჭერი მიირთვათ. ძილის წინ შეგიძლიათ ორი კვერცხის ცილა მიირთვათ და ჭიქა რძე დალიოთ.
ეს სავარაუდო რაციონია, თქვენ შეგიძლიათ კორექტირება შეიტანოთ, მაგრამ მხოლოდ წესების დაცვით. ამ ეტაპზე არანაირ ცხიმიან საკვებს და საერთოდ ხორცს არ მიირთმევთ, ასევე ნახშირწყლებს. ამასთან ფიზიკური აქტივობა უნდა გაზარდოთ. ზედმეტი დატვირთვა არ ღირს, საკმარისია ყოველდღიური სწრაფი სიარულის დამატება.
2. მთავარი ეტაპი
14 დღის, პირველი ეტაპის შემდეგ, ნელ-ნელა მეორე ეტაპზე გადავდივართ. ამ დროს პორციები იზრდება, რაციონში ზღვის პროდუქტები, უცხიმო ხორცი, ქათმის მკერდი, თევზი, უცხიმო ხაჭო შედის. ექიმი გირჩევთ ყველა კერძი გრილზე ზეთის დამატების გარეშე მოამზადოთ. მარილი მცირე რაოდენობით. მოამზადეთ სხვადასხვა კერძი, რომ კერძის მიმართ გულისრევა არ გაგიჩნდეთ.
ამ ეტაპზე ჩქარ სიარულს ძალოვანი ვარჯიშები დაუმატეთ: წონა სტაბილურად იკლებს, ორგანიზმის მუშაობის სისტემა ნორმაში მოდის. კვების შეზღუდვები ისეთი მკაცრი არაა, როგორც მოსამზადებელ ეტაპზე. პორციები საკმაოდ დიდი და რაც მთავარია - სხეულს სარგებლის და სიამოვნების მიღებას ასწავლით სწორი პროდუქტით და სწორი შეთავსებით.
პროდუქტებიდან რაციონში აუცილებლად უნდა იყოს კომბოსტო, კიტრი, ბოლოკი, ხახვი, ნიორი, ისპანახი, ოხრახუში, სალათის ფურცლები, ვაშლი და მსხალი, ციტრუსი, კენკრა და კაკალი, უცხიმო მჟავე რძის პროდუქტები. დილით აუცილებლად მუჭა კაკალი შეჭამეთ და საღამოს ორი კვერცხის ცილა.
მნიშვნელოვანია კვების რეჟიმის დაცვა, ერთსა და იმავე დროს კვება. ამ ეტაპზე ფიზიკური ვარჯიში იზრდება. ვცდილობთ ბევრი ვიაროთ. ექიმი გირჩევთ ნაბიჯების რაოდენობა დღეში 16 ათასამდე აიყვანოთ. ასეთ რეჟიმში უნდა იყოთ მანამ, სანამ წონა ნორმაში არ მოვა ან სასურველ შედეგს არ მიაღწევთ.
3. დამასრულებელი ეტაპი
ამ ეტაპზე მიღწეულ შედეგს ვამყარებთ. თუ ამ ეტაპზე თავს კომფორტულად გრძნობთ და ჯანმრთელობის რაიმე უკუჩვენება არ გაქვთ, მთელი ცხოვრება უნდა დაიცვათ. მთავარი წესი მარტივია: რაციონში ცოტ-ცოტა ვუმატებთ დაბალი გლიკემიური მაჩვენებლით წიწიბურას, რამდენიმე ნაჭერ თეთრ პურს, გამომცხვარ კარტოფილს სადილზე. დიახ, თქვენ სრულყოფილი სადილი გექნებათ. ახლა შეგიძლიათ ერთი ჭიქა მშრალი ღვინო დალიოთ, მიირთვათ შავი შოკოლადი. გამომცხვარი და ტკბილეული ჯერ კიდევ აკრძალულია, მაგრამ ცოტა დღესასწაულებზე შეიძლება. ამ პერიოდში მიღწეულ შედეგს გაამყარებთ და წონის დაბრუნებას ხელს შეუშლით.
ყველა გახდომის მსურველმა უნდა იცოდეს, რომ არსებობს მთელი რიგი პროდუქტები, რომლებიც ცხიმის წვას ხელს უწყობს. მათი რაციონში დამატება სწორი გადაწყვეტილება იქნება. და საერთოდ, ბევრი სეირნობა, მეტი ფიზიკური აქტივობა და ნაკლები მავნე საკვები - აი სწორი დიეტაც.
სტატია თქვენთვის საინტერესო იყო? გაუზიარეთ მეგობრებს!
