მსხვილი ნაწლავის დასაცლელად და გასაწმენდად სულაც არ არის აუცილებელი სპეციალური მედიკამენტების მიღება, რომელთათვის მრავალი გვერდითი მოვლენა და უკუჩვენებაა დამახასიათებელი. უგემრიელესი კოქტეილი, რომლის დამზადებასაც დღეს გასწავლით, ამ დავალებას 7 დღეში გაართმევს თავს, თანაც დააჩქარებს ზედმეტი კილოგრამების მოშორებისა და ცხიმოვანი ფენების შემცირების პროცესს.
კოქტეილი წონის კლების პროცესის სტიმულირებისთვის
ინგრედიენტები:
- ანანასი - 70 გრამი;
- კიტრი - 1 ცალი;
- ვაშლი - 1 ცალი;
- ფორთოხალი - 1 ცალი.
მომზადება და გამოყენება:
- ყველა ინგრედიენტი, გარდა ფორთოხლისა, დაჭერით პატარა ზომის კუბიკებად. კიტრი და ვაშლი აუცილებლად უნდა გამოიყენოთ თავის კანიანად. ბლენდერის გამოყენებით მოამზადეთ ფაფისებრი მასა მოცემული ინგრედიენტებისგან.
- დაამატეთ წყალი, 1 ფორთოხლის ახლადგამოწურული წვენი და კიდევ ერთხელ კარგად გადაურიეთ. რეკომენდებულია ნარევში 1 ჩაის კოვზი ალოე ვერას გელის ჩამატებაც, თუმცა ეს აუცილებლობას არ წარმოადგენს.
- 1 კვირის განმავლობაში მიიღეთ ეს კოქტეილი ყოველ დილას, უზმოზე. ინგრედიენტების მოცემული რაოდენობა გათვლილია 1 დღეზე. ყოველი დღისთვის თქვენ უნდა დაამზადოთ ახალი კოქტეილი და მიიღოთ ის ახლადმომზადებული, რათა ინგრედიენტებმა არ დაკარგოს სამკურნალო თვისებები. მოცემული საშუალების გამოყენების პარალელურად დღის განმავლობაში აუცილებლად უნდა მიიღოთ მინიმუმ 8 ჭიქა წყალი.
მოცემული საშუალება უკუჩვენებითია პაციენტებისთვის, რომლებიც ჯანმრთელობასთან დაკავშირებული შემდეგი პრობლემებისგან იტანჯებიან: წყლულოვანი კოლიტი, ჰემორეა და კრონის დაავადება.
ყველა სხვა შემთხვევაში ამ კოქტეილის მიღება სასარგებლოა მთელი ჩვენი ორგანიზმისთვის. მისი დახმარებით თქვენ მარტივად დაიჩქარებთ მეტაბოლიზმს და შეძლებთ ზედმეტი კილოგრამებისგან გათავისუფლებას მცირე დროში.
