ფიტოთერაპია ქოლესტერინის დამწევი დამოუკიდებელი საშუალება არ არის, მაგრამ იგი მნიშვნელოვნად ამაღლებს დიეტის ეფექტურობას, აუმჯობესებს ნივთიერებათა ცვლას, ასუფთავებს და აძლიერებს სისხლძარღვებს, აცილებს ორგანიზმს წიდას.
- არნიკა, ოროვანდი, შვრია, ბაბუაწვერა, მურყანი, გვირილა ამუხრუჭებს ქოლესტერინის შეწოვას.
- ქოლესტერინის სინთეზს ხელს უშლის გლერძი, კუნელი, კრაზანა, ცხენის წაბლი, როდიოლა, დათვის კენკრა და სხვა ფენოლის შემცველი მცენარეები.
- იგივე უნარი აქვს ჟენშენს, მრავალძარღვას, ქაფურას; ხოლო ქოლესტერინის გამოდევნას ორგანიზმიდან ხელს უწყობს ასკილი, ასისთავა, ზეთისხილი, დიდი კამა. ცხიმების ცვლაზე ზემოქმედებს შავბალახა, ხახვი, შვიტა, ძირტკბილა, ნიორი.
- ჩვეულებისამებრ აწეული ქოლესტერინის დროს იყენებენ ბალახების ნაკრებს, რომლებშიც ბალახები ერთმანეთს ავსებს და ამგვარად აძლიერებს მოქმედებას.
- ეს ნაკრები შეიცავს ძვირფას კომპონენტს, რომელიც ასუფთავებს და იცავს სისხლძარღვებს, აგრეთვე ასუსტებს ქოლესტერინის შეწოვას. აიღეთ 3-3 წილი მუქი წითელი კუნელი და შავი ცირცელი, 2-2 წილი ზღვის კომბოსტო, მტვრევადი ხეჭრელის ქერქი, სიმინდის ღერო (თმითურთ) სააფთიაქო გვირილის ყვავილები. ყველაფერი რაც შეიძლება წვრილად დაანაწევრეთ. 1 სუფრის კოვზ ნაკრებს დაასხით 1 ჭიქა მდუღარე წყალი და ხარშეთ წყლის ორთქლზე 15-20 წუთი. შემდეგ 1 საათი გააცივეთ და გაწურეთ. სვით ნაყენი 1/3-1/2 ჩაის ჭიქა ჭამის შემდეგ დღეში სამჯერ.
- სისხლში ქოლესტერინის დონეს ამცირებს მდელოს სამყურა, რომელიც ამის გარდა ანტისკლეროტული აქტიურობითაც გამოირჩევა. 2 სუფრის კოვზ ბალახს და ყვავილედს დაასხით ჭიქა მდუღარე წყალი, დაახურეთ მჭიდროდ საფარებელი და დააყენეთ 1 საათი; გაწურეთ და მიიღეთ 1-2 სუფრის კოვზი ჭამამდე დღეში სამჯერ მინიმუმ 20 დღის განმავლობაში. ნაყენის შენახვა შეიძლება არაუმეტეს 2 დღისა. შემდეგ ახალი უნდა დააყენოთ.
