ჩიას თესლი - სასარგებლო საკვები ნივთიერებებით მდიდარი პროდუქტი, რომელიც მრავალი წელია გამოიყენება ხალხურ მედიცინაში საჭმლის მონელებასთან და კუჭ-ნაწლავის ტრაქტთან დაკავშირებული პრობლემების დროს, ორგანიზმის სრული დეტოქსიკაციისთვის. სწორედ ეს მარცვლები წარმოადგენდა ლეგენდარული მაიას, აცტეკებისა და ინკების ტომი მოსახლეობის ყოველდღიური კვების რაციონის განუყოფელ ნაწილს. ჩიას თესლი შეიცავს ძალიან დიდი რაოდენობით ცილას (მარცვლის საერთო წონის დაახლოებით 19-24%-ს). შედარებისთვის, ხორბლისა და სიმიდნის მარცვლებში ცილის შემცველობა მარცვლის საერთო წონის მაქსიმუმ 14%-ს უტოლდება.

ჩიას თესლი წონის დასაკლებად



გარდა ჯანმრთელობაზე ძალიან სასარგებლო გავლენისა, მოცემული პროდუქტი გვიწყობს ხელს წონის დაკლებაშიც. სითხესთან უშუალო ურთიერთქმედებისას, ეს მარცვლები წარმოქმნის გელისებურ მასას, რომელიც ეფინება კუჭის კედლებს და ამცირებს ნაწხშირწყლების შეწვა-ათვისების პროცესს.

დღევანდელ სტატიაში "რჩევების" რედაქცია გიზიარებთ უნიკალური, წონის დასაკლები სასმელის დამზადების რეცეპტს, რომელსაც "ჩია ფრესკოს" სახელწოდებით ვიცნობთ. მის მოსამზადებლად შეგიძლიათ ნებისმიერი ხილის წვენის გამოყენება, თუმცა წონის დასაკლებად საუკეთესო ვარიანტი სწორედ ლიმონის ფრეშია.



თქვენ დაგჭირდებათ:

• 1 სუფრის კოვზი ჩიას თესლი;
  
• 1 ლიმონი;
  
• 100 მლ წყალი;
  
• 1 სუფრის კოვზი თაფლი.
  

მომზადება:

1. ჩაყარეთ ჩიას თესლი პატარა ზომის ჭურჭელში, დაასხით წყალი და დააყოვნეთ 1 საათით. ამ დროში მარცვლები დაიბერება და წარმოიქმნება გელისებრი, ბლანტი კონსისტენციის მასა.
   
   
   
   
2. ამ ჟელესებური კონსისტენციის წარმოქმნის შემდეგ, ჩაამატეთ ნარევში 1 ლიმონის ახლადგამოწურული წვენი, 1 სუფრის კოვზი თაფლი და კარგად გადაურიეთ.
   
   
   

მარცვლებთან ერთად დალიეთ ეს სითხე დილით, საუზმობამდე 30 წუთით ადრე. ჩიას თესლისგან დამზადებული ეს უნიკალური საშუალება დააჩქარებს ნივთიერებათა ცვლის პროცესებს და ამ გზით, შეგიწყობთ ხელს წონის დაკლებაში.

არ დაივიწყოთ მოცემული საშუალების უკუჩვენებების შესახებ: ლიმონის წვენი მიღება არ შეიძლება პაციენტებისთვის, რომლებიც ქრონიკული პანკრეატიტისგან, ნაწლავების ანთებითი დაავადებებისგან, კუჭისა და თორმეტგოჯა ნაწლავის წყლულებისგან იტანჯებიან.