დიდხანს მაწუხებდა კოლიტი. ნაცნობმა მასწავლა, რომ ნაწლავების ანთებისთვის უებარი ყოფილა კომშის თესლის ნახარში. მე ვიცოდი, რომ კომშის თესლი შველოდა ხველას და ძალიან გამიკვირდა, მაგრამ მაინც მივიღე ნაცნობის რჩევა, მოვამზადე წამალი მისი რეცეპტის მიხედვით და მას შემდეგ კუჭ-ნაწლავს აღარ შევუწუხებივარ:

• სამი კომშის გულს (კურკებიანად) უნდა დაასხათ 2 ჭიქა ანადუღარი წყალი და ხარშოთ 5-7 წუთი. ნახარში მიიღეთ თბილ-თბილი, 1/2 ჭიქა დღეში 3-ჯერ, 1 კვირის განმავლობაში.
  

ექიმის კომენტარი:

კომშის ნაყოფი ძალიან გემრიელია, და ამასთან, ხალხურ მედიცინაში ცნობილია, როგორც სამკურნალო საშუალება. სამკურნალოდ გამოიყენება კომშის თესლი, რომელიც ნაყოფის გულში - მის ბუდეებშია მოთავსებული (თითო ბუდეში-დაახლოებით 10 ცალი). თესლი ღეჭვის დროს გამოყოფს ბევრ ლორწოს. მისი კანი შეიცავს 20%-მდე ციანოგენის გლიკოზიდს, ნაყოფის რბილობი და კანი კი მდიდარია K და C ვიტამინებით.
კომშის ნაყოფს აქვს შარდმდენი, ანტისეპტიკური, სისხლდენის შემაჩერებელი და საფაღარათო მოქმედება, თესლს კი, გარდა ამ თვისებებისა, ახასიათებს ანთების საწინააღმდეგო და ლორწოვანის შემომგარსველი ეფექტიც. რის გამოც მას დიდი ხანია იყენებენ კუჭ-ნაწლავის ტრაქტის დაავდებათა სამკურნალოდ. კომშის თესლიდან გამოყოფილი ლორწო ათხელებს ნახველს, ამიტომ კარგია ბრონქიტებისა და ტრაქეიტების დროს.