კისრის კანქვეშა კუნთი ანუ პლატიზმა კისრის და ნიკაპის გარეგნულ მხარეზე არის პასუხისმგებელი. ის სხვა კუნთებისგან განსხვავდება და ასაკთან დაკავშირებულ ცვლილებებსა და გარე დაზიანების მიმართ ძლიერ მგრძნობიარეა.
პლატიზმა ძვალს ქსოვილით არ უკავშირდება, როგორც ყველა კუნთი. მიდრეკილია ელასტიურობის დაკარგვისკენ: კისრის კანი უფრო ნაკლებ ცხიმოვან ჯირკვლებს შეიცავს, ვიდრე სახე. ცხიმოვანი ჯირკვლის ნაკლებობა ამ არეს სიმშრალისკენ მიდრეკილს ხდის, სადაც შეიძლება ნაოჭები წარმოიქმნას. სწორედ ამიტომ ძალიან მნიშვნელოვანია დამატენიანებელი კრემის წასმა არა მხოლოდ სახის კანზე, არამედ კისრის კანზეც!
ასაკობრივი ცვლილებები პირველ რიგში კისრის კანქვეშა კუნთის სისუსტეში გამოიხატება. ხშირად ცვლილებები იწვევს არა ორმაგი ნიკაპის წარმოქმნას არამედ ე.წ "ინდაურის ყელის" კანის გაღიზიანებას.
დროთა განმავლობაში ასევე ხდება ცხიმოვანი ქსოვილების დაგროვება კისრის ქვედა ნაწილში და ნიკაპის ზონაში. ამას მივყავართ იქამდე, რომ კანზე ჩნდება წვრილი ნაოჭები, ის ჩამოშვებული და დანაოჭებული ხდება.
კისრის კანის გაუარესების ერთ-ერთი მთავარი მიზეზია - არასწორი პოზა. რეალურ ცხოვრებაში ფეხებთან უფრო ხშირად ვიყურებით, ვიდრე ცაში, პლატიზმის მუშაობა პრაქტიკულად არაა. იძულებითი უმოქმედობის შედეგად კი სუსტდება, ზარმაცი ხდება, კანს აღარ ჭიმავს.
ვარჯიშები კისრის კანქვეშა კუნთისთვის
- გაიღიმეთ, სახის ქვედა ნაწილი 5 წამით დაჭიმეთ და ამავე დროით კუნთები მოადუნეთ. გაიმეორეთ 1 წუთის განმავლობაში. მოდუნებული კუნთები, რომელიც პირის არეს ქვემოთ წევს, ტუჩის კუთხეების ასაწევად კარგ ეფექტს იძლევა და სახის გამომეტყველებას უფრო პოზიტიურად ცვლის.
ხოლო, თუ პლატიზმასაც დაჭიმავთ, კუნთების აქტივობას გადაანაწილებთ და თავად კუნთსაც დაჭიმავთ. ასეთი ვარჯიშის შესრულების დროს უნდა გახსოვდეთ, რომ მთავარია - რეგულარულობა.
- შესუნთქვის დროს ქვედა ტუჩი და ყბა ქვემოთ დასწიეთ ისე, რომ კისრის კანქვეშა კუნთის დაჭიმულობა მაქსიმალური იყოს, ხოლო სისხლძარღვები მკვეთრად ჩანდეს კისერზე. სახის ყველა დანარჩენი კუნთი მოდუნებული უნდა დარჩეს.
6 წამი უკან დაითვალეთ და ამოსუნთქვასთან ერთად კისერი მთლიანად მოადუნეთ. გაიმეორეთ ვარჯიში 4-5-ჯერ შესვენებებით 2-3 წამით დაჭიმულობებს შორის.
- თავი წინ გადახარეთ და ხელისგულებით მკერდის არეს დააწექით დაახლოებით მესამე ნეკნთან. შემდეგ ჩაისუნთქეთ, ნეკნზე კი თითებით ფიქსაცია მოახდინეთ, ნელ-ნელა ასწიეთ და თავი უკან გადაწიეთ, ასე კისრის კანქვეშა კუნთის დაჭიმულობა გამოიწვიეთ.
ამოისუნთქეთ, თავი ვერტიკალურ მდგომარეობაში გააჩერეთ. მოძრაობის მთელი ციკლი 3-6-ჯერ გაიმეორეთ. ცხვირიდან ნელ-ნელა ჩასუნთქვა გააკეთეთ და ფართოდ გააღეთ პირი, თავი მაქსიმალურად უკან გადაწიეთ.
შემდეგ, უკან გადაწეული მდგომარეობა შეინარჩუნეთ და ცხვირიდან ამოისუნთქეთ, ნელ-ნელა პირი დახურეთ, შეაერთეთ ქვედა და ზედა ყბა. თავი ვერტიკალურ მდგომარეობას დაუბრუნებთ. შეისვენეთ 2-3 წამით. ვარჯიში 36-ჯერ გაიმეორეთ.
- სიმჰასანა - ლომის პოზა. ენის გამოყოფის დროს მისი კუნთები აქტიურდება, ასევე მუცლის პირდაპირი კუნთი, მენჯის კუნთი და მკერდის კუნთი. ძლიერი ამოსუნთქვა ააქტიურებს დიაფრაგმას, მენჯის კუნთს და ხმის იოგების მმართველ კუნთებს. ამასთან კისრის კანქვეშა კუნთები მცირდება.
შედეგად სიმჰასანა ბევრ კუნთს ასტიმულირებს, რომელთაც ნაკლები ყურადღება ექცევა. გარდა ამისა, სიმჰასანა კისრის კანქვეშა კუნთს მატონიზირებელ ეფექტს ქმნის, რაც კარგ კოსმეტიკურ ეფექტს იძლევა.
- ლოყები რაც შეიძლება დიდზე გაბერეთ, პირი დახურეთ და ჰაერის წრეზე მოძრაობა დაიწყეთ - მარცხენა ლოყიდან ზედა ტუჩამდე, მარჯვენა ლოყიდან ქვედა ტუჩამდე, მარჯვნიდან მარცხენა ლოყაზე. შემდეგ თავი ოდნავ უკან გადაწიეთ და ნელ-ნელა ამოსუნთქვა დაიწყეთ. წარმოიდგინეთ, თითქოსდა მტვრის ნაწილაკებს სულს უბერავთ. გაიმეორეთ 3-5-ჯერ.
ეს ვარჯიშები ყოველდღე შეასრულეთ და უკვე ძალიან მალე შედეგს დაინახავთ: თქვენ ლამაზი და დაჭიმული კისერი გექნებათ.
გაუზიარეთ ეს ინფორმაცია მეგობრებს, დაე ისინიც ჯანმრთელები და ლამაზები იყვნენ!
