ახალგაზრდობაში გაზაფხულს არაფერი მერჩივნა. როგორც კი ჰაერში ახალამოსული ბალახებისა და აყვავებული ხეების სურნელი დატრიალდებოდა, ჩემზე ბედნიერი არავინ მეგონა. შინ შესვლა აღარც კი მინდოდა, მსურდა, სულ ქუჩებში მევლო და ამ სილამაზით დავმტკბარიყავი. ასაკთან ერთად გაზაფხულის სიყვარული არ გამნელებია, მაგრამ მუხლი თითქოს ძველებურად ვეღარ მომდევდა. გულის ფრიალი, სულის ხუთვის შეგრძნება, თავბრუსხვევა და ქოშინი დამჩემდა. ექიმმა მითხრა, ეს გარემოს ცვლილებებზე რეაქციის, ანუ მეტეომგრძნობელობის ბრალიაო, თანაც ამიხსნა, ორგანიზმს ცოტა უჭირს და დახმარებას გთხოვსო. მივიკითხ-მოვიკითხე და მივაგენი საშუალებას, რომელიც ასთ დროს უებარი რამაა და ჩემსავით ბევრს დაეხმარა.

დაგჭირდებათ:

• 50 გრ ალოე
  
• 50 გრ წითელი ჭარხალი
  
• 50 გრ სტაფილო
  
• 50 გრ თალგამი
  
• 50 გრ შავი მოცხარი
  
• 50 გრ კრაზანას მიწისზედა ნაწილი
  
• 10 ლიმონის წვენი
  
• 200 მლ სამედიცინო სპირტი
  
• 500 გრ თაფლი
  

მომზადების და მიღების წესი:
ეს ყველაფერი საგულდაგულოდ აურიეთ ერთმანეთში და მოათავსეთ მუქ ჭურჭელში 3 კვირით, პერიოდულად მოურიეთ. შემდეგ დოლბანდში გადაწურეთ და მიიღეთ 30 გრამი დღეში 3-ჯერ, ჭამამდე 30 წუთით ადრე.

• 10 გრამ კაკლის მშრალ ფოთოლს დაასხით 1 ჩაის ჭიქა წყალი, ადუღეთ 15 წუთი, 45 წუთი ოთახის ტემპერატურაზე გააჩერეთ და გადაწურეთ. მიიღეთ თითო სუფრის კოვზი დღეში 3-ჯერ.
  
  
• 2 სუფრის კოვზ მშრალ დაქუცმაცებულ ნიახურის ფოთოლს დაასხით 1 ჩაის ჭიქა ანადუღარი წყალი, გააჩერეთ 2 საათი და გადაწურეთ. მიიღეთ 1/3 ჭიქა დღეში 3-ჯერ.
  არ დაიზაროთ, მოამზადეთ, გამოსცადეთ და დარწმუნდებით, რომ მართლაც უებარია.