ყველი მარიდანში კი მხოლოდ უკეთესობისკენ იცვლება. ამ საოცარ გემოს ვერაფერს შეადარებთ, ხოლო ღვინოსთან დასაყოლებელს უკეთეს ვერ მოიიქრებთ. რჩევების რედაქცია გიზიარებთ ყველის მარინადის რცეპტს, რომელშიც ის სხვათაშორის საკმაოდ დიდხანს ინახება.
ინგრედიენტები:
- ხმელი ყველი - 500გ
- ლიმონი - 1,5 ცალი
- ნიორი - 4 კბილი
- შავი წიწაკა (ღერღილი) - 0,5 ჩ/კ
- პროვანსული ბალახი - 1ს/კ
- წითელი წიწაკა - 1ჩ/კ
- პიმპილი - 1ჩ/კ
- თაფლი 1 ჩ/კ
- მზესუმზირის ზეთი - 400მლ
- ზეთისხილი - გემოვნებით
- რეჰანი - გემოვნებით
მომზადების წესი:
- მოვამზადოთ 2 ქილა განუმეორებელი გემრიელობა 500 გრამი ხმელი ყველით ორ რეცეპტად. თქვენ შეგიძლიათ ერთი ქილითაც მოამზადოთ. დაჭერით ყველი კუბებად, გაატარეთ ლიმონი ხორცის საკეპ მანქანაში (ან უბრალოდ წვრილად დაჭერით) და მოამზადეთ ყველა სანელებელი.
- თითოეულ ქილაში მოათავსეთ 250 გრამი ყველი და დავიწყოთ მომზადება. 1 ლიმონი, ერთი მწიკვი წითელი წიწაკა, პროვანსული ბალახი, დაჭყლეტილი ნიორი და 200 მლ ზეთ შეურიეთ ერთ ჭურჭელში და დაასხით ქილაში ჩალაგებულ ყველს. შედგით მაცივარში და დააყენეთ მინიმუმ 1 დღე-ღამე, რაც უფრო დიდხანს გააჩერებთ მით უფრო გემრიელი გამოვა.
- მეორე ქილისათვის უნდა ჩაშუშოთ დაქუცმაცებული ნიორი 200მლ ზეთში. შემდეგ მორჩენილ ზეთში გაალღოღ თაფლი, დაუმატეთ ერთი კოვზი წითელი წიწაკა, ნახევარი ლიმონი,რეჰანი და პიმპილი მოასხით მომზადებული მარინადი ყველს და დააყენეთ იგივე წესით.
- სურვილის შემთხვევაში შეგიძლიათ ექსპერიმენტის სახით გამოიყენოთ სხვადასხვა სუნელები. მომზადებული ყველი შეგიძლიათ დაუმატოთ სალათებში ან უბრალოდ სუფრაზე მიიტანოთ დასაყოლებლად. შეინახეთ მაცივარში.
