» » » დიდხანს ვეძებდი გულძმარვის სამკურნალო საშუალებებს და ვიპოვე კიდეც უებარი წამალი

დიდხანს ვეძებდი გულძმარვის სამკურნალო საშუალებებს და ვიპოვე კიდეც უებარი წამალი

ჭამა ჩემი სისუსტეა, თუმცა სულაც არ ვარ მსუქანი, - ალბათ იმიტომ, რომ ჩემი ორგანიზმი ზედმეტ კალორიებს ადვილად წვავს, - მაგრამ ბოლო ხანს ჩემმა ამ მავნე გატაცებამ უსიამოვნო შედეგი გამოიღო: დამეწყო გულძმარვა, რომელიც თითქოს ასატანი იყო, მაგრამ მაინც გამოვყავდი მწყობრიდან. თავიდან რეკლამირებულ წამლებს მივეტანე. ვიფიქრე, რაკი ასეთ რეკლამას უკეთებენ, ალბათ მართლა შველის-მეთქი, მაგრამ გულძმარვაზე მეტად საფულე შემიმსუბუქა. ვსვი რძე, პიტნის ნახარში, მაგრამ უშედეგოდ.
მერე ბორჯომს მივეტანე, დღეში ერთ ბოთლს მაინც ვცლიდი. შვება ვიგრძენი, მაგრამ ბოლომდე არც ამან მიშველა. არ მოვეშვი და ძიება განვაგრძე. ათასი რამ ვსინჯე და რამდენიმე თვეში ვიპოვე კიდეც უებარი წამალი. მინდა, გამოცდილება გაგიზიაროთ - დაწმუნებული ვარ, ეს რეცეპტი სხვებსაც უშველის.



დაგჭირდებათ:
  • 2 ჩ/კ კრაზანა
  • 2 ჩ/კ მრავალძარღვა
  • 1/2 ჩ/კ გვირილა

მომზადების და მიღების წესი:
ერთმანეთში აურიეთ კრაზანა, მრავალძარღვას ფოთოლი და გვირილა. 1 ჩაის კოვზ ნარევს დაასხით 1/2 ჩაის ჭიქა მდუღარე წყალი, გააჩერეთ 10 წუთი, შემდეგ გაფილტრეთ და მიიღეთ თითო სუფრის კოვზი დღეში 3-ჯერ.

გარდა ამისა, გულძმარვა რომ მეწყება, როგორც არ უნდა მინდოდეს დაწოლა, ვცდილობ ვერტიკალურ მდგომარეობაში დავრჩე - იმ მჟავე სითხეს, რომელიც კუჭს მტკენს, მაღა ამოსვლის საშუალებას არ ვაძლევ და საყლაპავის წვას გადავურჩები ხოლმე.
ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.