ახალგაზრდობაში ოპერაციის გაკეთება მომიხდა, რის შემდეგაც საშვილოსნოდან სისხლდენა დიდხანს არ შემიწყდა. რასაკვირველია, ანემია დამემართა. ვსვამდი ექიმების მიერ გამოწერილ ვიტამინებს და რკინის პრეპარატებს, მაგრამ მაინცდამაინც ვერ მიშველა. ჰემოგლობინი საგრძნობლად დაეცა. სისხლდენასაც ვერაფრით ვაჩერებდი - ცოტა ხნით წყდებოდა, შემდეგ კი ისევ იწყებოდა. ბოლოს დედაჩემმა, რომელიც სამკურნალო მცენარეებით იყო გატაცებული, სამყურა მომიტანა და მითხრა, ეს მცენარე ანემიასა და სისხლდენას შველისო. მისი მომზადებისა და მიღების წესებიც მასწავლა:

• 1 სუფრის კოვზ გამხმარ, დაქუცმაცებულ სამყურას ყვავილს ვასხამთ 1 ჩაის ჭიქა მდუღარე წყალს და ნახევარი საათით ვაყენებთ. პირველ დღეებში ვიღებთ თითო სუფრის კოვზს 2-3 საათში ერთხელ. როდესაც სისხლდენა შესამჩნევად იკლებს ( შესაძლოა, შეწყდეს კიდეც ), ვიწყებთ ანემიის მკურნალობას - ვიღებთ 1/2 ჩაის ჭიქა ნაყენს დღეში 3-ჯერ ერთი თვის განმავლობაში.
  

ერთი თვის შემდეგ ჰემოგლობინი შევიმოწმე და საკმაოდ მომატებული აღმომაჩნდა. ექიმს ეგონა, ეს მის მიერ გამოწერილი წამლების დამსახურება იყო, მე კი ამ ერთი თვის განმავლობაში არც ერთი აბი არ მიმიღია... ჩემმი აზრით, სამყურას ყვავილი ყოველი შემთხვევისთვის ყველა ქალს უნდა ჰქონდეს შინ.