ოდესმე გსმენიათ, რომ „ნაწყენი ხალხი უფრო ხშირად ავადდება“? ეს უბრალო სიტყვა ან სტანდარტული ფრაზა არაა, რომ წყენის მიმყენებელს შეურიგდეთ. ნამდვილად, ჩვენი იმუნიტეტი ყალიბდება არა მხოლოდ ჯანსაღი კვებისა და ჯანსაღი ჩვევებისგან. იმუნიტეტი ძლიერი რომ იყოს და ნეგატიურ გარე მოვლენებს შეებრძოლოს, შიგნიდან პოზიტივით უნდა გამოვკვებოთ. პირველ რიგში, ეს არის კარგი განწყობა, პოზიტიური აზრები და პატიების უნარი. სულის წყენა ჩვენს ცხოვრებაზე და მსოფლმხედველობაზე არ უნდა მოქმედებდეს.

სულის წყენა

სტატისტიკის მიხედვით, ადამიანის დაავადებების 80% ხდება მისი ცხოვრებისეული სიტუაციების არასწორი აღქმის გამო. მთელი ნეგატივი, წყენა, განცდა, რომელსაც ჩვენში ვაგროვებთ, ჩვენს მდგომარეობაზე აუცილებლად აისახება. დღეს სულის წყენა უკურნებელი სენია. არც ერთ წამალს მისი გამოსწორება არ შეუძლია. სანამ თავად ადამიანი არ გადახედავს ცხოვრებისადმი და მათში არსებული სიტუაციების მიმართ დამოკიდებულებას. ასე ქრონიკული და მძიმე დაავადებებიც შეგიძლიათ მოიშოროთ.

სულის წყენა: რა გავაკეთოთ?

ამ ყველაფრის თქმა ადვილია, ხოლო გაკეთება რთული. საიდან უნდა დაიწყოთ ორგანიზმის წყენისგან გათავისუფლება? ვივიენი გიზიარებთ მარტივ და ეფექტურ მეთოდს წყენის მოსაშორებლად. ძველი წყენაც შეგიძლიათ მოიშოროთ. გაწმენდა სწორედ ძველი წყენით უნდა დაიწყოთ. პირველ რიგში, საღამოს სიწყნარეში დაჯექი, მშვიდი მუსიკა ჩართეთ, სანთლები აანთეთ და თქვენი ყველაზე ძლიერი წყენა გაიხსენეთ.

ყველაფერი, რაც ტკივილს გაყენებდათ, დისკომფორტს გიქმნიდათ და საკუთარ თავში გაეჭვებდათ. თქვენს სხეულს მოუსმინეთ, ტვინი მოადუნეთ, ზედმეტი ფიქრები მოიშორეთ. სხეული მიგანიშნებთ, რომელი წყენა იყო ყველაზე ძლიერი და სად გტკივათ მის გამო.

დახარჯეთ ერთი საღამო საკუთარ თავში გასარკვევად. დრო გამოყავით, რომ შემდეგ დრო და ფული ექიმებსა და საავადმყოფოებში არ დახარჯოთ. მთელი წყენა შეაგროვეთ, მისი მოცულობა და სიდიდე იგრძენით. მოგწონთ წყენის და ნეგატივის ასეთ ტვირთან ერთად ცხოვრება? მზად ხართ მთელი ცხოვრება თან ატაროთ და იბრძოლოთ თქვენი ცხოვრებისა და ჯანმრთელობისთვის? თუ პასუხია არა, მაშინ მოცემული რიტუალი თქვენთვისაა. ის სულს ამ ხარახურისგან გაათავისუფლებს.

ზედმეტი მოიშორეთ

როგორც ნაგავი გაგვაქვს, ასე უნდა მოვიშოროთ ყველაფერი ზედმეტი, განსაკუთრებით თუ ხელს გვიშლის. მას შემდეგ, რაც მთელ წყენას გაიხსენებთ და მათთან დამშვიდობებას გადაწყვეტთ, რიტუალი შეასრულეთ. დღის მეორე ნახევარში, საღამოსკენ, მარცხენა ხელისგულზე მარილი დაიყარეთ. სუფრის მარილი, დაახლოებით ერთი ჩაის კოვზი.

გაიხსენეთ ყველა წყენა, უდიდესიდან უმნიშვნელომდე. ყველაფერი, რაც ოდესმე უარყავი, არ მიგიღია. ეს ყველაფერი არის სამყაროს უარყოფა, ანუ საკუთარი თავის, როგორც ამ სამყაროს გამოვლინების უარყოფა. გაიხსენეთ მთელი ნეგატივი და მოაქციეთ მარილში თქვენს ხელისგულზე.

ახლა მარილი არის ის ტკივილი, წყენა და იმედგაცრუება, რაც იყო თქვენს ცხოვრებაში. მარილს ხელი მოუჭირეთ, გარეთ გადით და ნაგვის ურნასთან მიდით. ნაგვის ურნასთან დადექით და თქვით: „წყენა ბოროტი ჩემს სახლში აკაკუნებდა, შემოსვლა სურდა და სანაგვეზე აღმოჩნდა“. მარილი ნაგვის ურნაში ჩაყარეთ. სახლში დაბრუნდით, ხელ–პირი ცივი წყლით კარგად დაიბანეთ და სიტყვები კიდევ ერთხელ გაიმეორეთ. ამის შემდეგ იგრძნობთ ძალების და თავდაჯერებულობის მატებას. მიიღებთ კარგ იმპულსს ცხოვრების და ჯანმრთელობის გასაუმჯობესებლად. ამ მარტივ რიტუალს თქვენი ცხოვრების და კეთილდღეობის ძირეულად შეცვლა შეუძლია.